តារាហ្វេសប៊ុកនិងអ្នកលក់ឡេងដ៏លេចធ្លោមួយរូបអ្នកនាង Love Riya ថ្វីត្បិតតែមិនសូវ Lucky (សំណាង) ក្នុងរឿងស្នេហា ប៉ុន្តែមុខរបររកស៊ីនៅតែដំណើរការទៅមុខយ៉ាងរលូនថែមទាំងសោយសុខយ៉ាងរីករាយជាមួយនឹងកូនស្រីពៅ ទែនទែន ជាពិសេសនោះអ្នកនាងបានធ្វើឱ្យអ្នកគាំទ្រភ្ញាក់ផ្អើល ព្រោះតែការតុបតែងខ្លួនរបស់អ្នកនាងក្នុងថ្ងៃកំណើតកូនស្រីស្អាតប្លែកប្រៀបដូចជាក្រមុំ។
កាលពីរសៀលថ្ងៃទី១២ ខែតុលា ឆ្នាំ២០២១ ម្សិលមិញនេះ អ្នកនាង Love Riya បានផុសរូបភាពស្លៀកឈុតពណ៌ស គូជាមួយនឹងកូនស្រី Chheng Ariya Kelly ហៅ ទែនទែន អមជាមួយនឹងសំណេរជូនពរខួបកំណើតកូនស្រីតូចយ៉ាងមានអត្ថន័យជ្រាលជ្រៅថា៖
«រីករាយថ្ងៃខួបកំណើតកូនស្រីម៉ាក់ Chheng Ariya Kelly ហៅ ទែនទែន ម៉ាក់ សូមជូនពរឲ្យកូនមានសុខភាពល្អ បញ្ញាឆ្លាតវាងវៃ ជូនពរពេលធំឡើងជោគជ័យគ្រប់ភារកិច្ចទាំងអស់ ជួបតែមនុស្សល្អ សំណាស់ល្អក្នុងជីវិត អ៊ុំពូមីងលោកតាលោកយាយមានពាក្យអីជូនពរអូនទែនខ្លះ»។
ពាក្យជូនពរនិងអបអរសាទររបស់អ្នកនាង Love Riya ចំពោះកូនស្រី ជាមួយនឹងរូបភាពស្រស់ស្អាតជាច្រើនសន្លឹកដែលអ្នកនាងបានថតជាមួយនឹងកុមារី ទែនទែន បានធ្វើឱ្យអ្នកគាំទ្រចូលមកជូនពរនិងសាទរចំពោះម្ចាស់ខួបកំណើតតូច ក៏ដូចជាសរសើរម៉ាក់ៗថាស្អាត និងគួរឱ្យស្រលាញ់ដូចជាស្រីក្រមុំ ចំណែកម្ចាស់ខួបទែនទែនវិញក៏មានទឹកមុខរំភើបរីករាយខ្លាំងដែរក្នុងថ្ងៃកំណើតរបស់ខ្លួន។
ចង់ដឹងថាបរិយាកាសក្នុងថ្ងៃខួបកំណើតរបស់ ទែនទែន អ្នកនាង Love Riya ស្រស់ស្អាតដូចក្រមុំប៉ុណ្ណាទស្សនាវីដេអូខាងក្រោម៖