ខណៈនេះមានរឿងគួរឱ្យចាប់អារម្មណ៍មួយទៀតកំពុងផ្ទុះការចាប់អារម្មណ៍ពីបណ្ដាអ្នកលេងបណ្ដាញសង្គម ក្រោយផេកគាំទ្រការប្រកួតមួយបានធ្វើការផុសថាតារាចម្រៀងរបស់កម្ពុជាគឺអ្នកនាង ពេជ្រ សោភា បានកុម្មង់ទិញរ៉ូបរាត្រី «Evening Gown» ពីហាងច្នៃម៉ូដសំលៀកបំពាក់ដ៏ល្បីមួយរបស់ហ្វីលីពីន តែសាមីខ្លួនបានចេញមកឆ្លើយតបផ្ទុយពីការលើកឡើងរបស់ផេកមួយនោះ។
នៅថ្ងៃទី១៩ ខែតុលា ឆ្នាំ២០២១ នេះផេក Universe Pageant បានធ្វើការផ្សព្វផ្សាយថា អ្នកនាង ពេជ្រ សោភា កំពូលតារាចម្រៀងមួយរូបរបស់កម្ពុជាបាន ទិញរ៉ូប Evening Gown ដ៏ល្បីមួយរបស់ហ្វីលីពីន ដែលហាងមួយនោះជាហាងល្បិឈ្មោះមានបវរកញ្ញាជាច្រើនបានកុម្មង់រ៉ូបរាត្រីពីហាងនោះទៅស្លៀកក្នុងកម្មវិធីប្រកួតអន្តរជាតិផងដែរ។
ប៉ុន្តែភ្លាមៗនោះតារាចម្រៀង ពេជ្រ សោភា បានចេញមកបដិសេធភ្លាមៗដែរថា «នាងខ្ញុំពេជ្រ សោភា អត់បានទៅច្រៀងក្នុងកម្មវិធីណានោះទេរ៉ូបនោះខ្ញុំគ្រាន់តែចូលចិត្ត ខ្ញុំមិនអាចពាក់បានទេរ៉ូបនោះតំណាងអោយប្រទេសរបស់គេ ផេកខ្មែរផុសខុសហើយ មុនផុសជួយគោរពសិទ្ធគេផង រ៉ូបនោះមានលុយក៏ទិញអត់បានដែរ អរគុណហ្វេន»
ងាកមកមកាន់អ្នកគាំទ្ររបស់តារាស្រីរូបនេះវិញបានបង្ហាញការចាប់អារម្មណ៍និងស្ដីបន្ទោសចំពោះផេកខាងលើដែលបានផុសព័ត៌មានមិនពិត និងទាមទារឱ្យផេកខាងលើពិនិត្យឱ្យច្បាស់ជាមុនសិនមុននឹងធ្វើការផុសព័ត៌មានឬក៏ដំណឹងណាមួយ ចៀសវាងប៉ះពាល់ដោយប្រការណាមួយ។
យ៉ាងណាមិញ Admin Page ដែលកំពុងទទួលរងនូវការរិះគន់ពីមហាជននោះបានចេញមកសុំទោសចំពោះអ្នកនាង ពេជ្រ សោភា រួចរាល់ហើយចំពោះការយល់ច្រឡំរបស់ខ្លួនដែលធ្វើឱ្យតារាចម្រៀងរូបនេះមិនពេញចិត្ត៕