ក្រុមលោក Mourinho ចាញ់យ៉ាងអាម៉ាស់ក្នុងលទ្ធផល ៦-១ ទល់ក្រុម​មិន​សូវ​ល្បី​ឈ្មោះ

ការប្រកួតវគ្គជម្រុះក្នុងពូល C ពានរង្វាន់ Europa Conference League ដោយក្រុមដែលមានមូលដ្ឋាននៅប្រទេសន័រវេស FK Bodoe/Glimt បានលត់ក្រុមភ្ញៀវ AS Roma ដែលមានលោក Jose Mourinho ជាអ្នកដឹកនាំក្នុងលទ្ធផល ៦-១ នៅកីឡាដ្ឋាន Aspmyra Stadion កាលពីយប់មិញនេះ។

៦គ្រាប់របស់ក្រុមម្ចាស់ផ្ទះសម្រេចដោយកីឡាករ Botheim នាទី៨, Berg នាទី២០, Botheim នាទី៥២, Solbakken នាទី៧១, Pellegrino នាទី៧៨ និងចុងក្រោយ Solbakken នាទី៨០ ខណ: Roma វាយបកបាន១គ្រាប់វិញដោយ Perez នាទី២៨។

⏰ RESULTS ⏰

🔝 Who did it best on Matchday 3?#UECL

— UEFA Europa Conference League (@europacnfleague) October 21, 2021

តារាងចំណាត់ថ្នាក់ពូល C ក្រោយឆ្លងកាត់៣ប្រកួត៖
១. Bodoe/Glimt ឈរកំពូលមាន៧ពិន្ទុ ពីការប្រកួតឈ្នះ២ ស្មើ១ មិនដែលចាញ់
២. Roma មាន៦ពិន្ទុ ពីការប្រកួតឈ្នះ២ ចាញ់១លើក
៣. Zorya មាន៣ពិន្ទុ ពីការប្រកួតឈ្នះ១ ចាញ់២លើក
៤. PFC CSKA-Sofia មាន១ពិន្ទុ ពីការប្រកួតស្មើ១ ចាញ់២លើក និងមិនដែលឈ្នះ។