អ្នកលេងអ៊ិនធឺណិតបានអង្កេតករណីតារាសម្ដែងល្បីកូនពីរ Maggie បានផុសរូបនៅប្រទេសអេស្ប៉ាញ តែបែរជាមានរូបថតថតរូបក្នុងពិធីមង្គលការក្នុងប្រទេសថៃ ជាពិសេសមិនពាក់ម៉ាស ហើយអ្វីដែលគួរឱ្យសង្ស័យតើតារាស្រីរូបនេះមកដល់ប្រទេសថៃវិញមិនធ្វើចត្តាឡីស័កសិនទេឬ?
កាលពីថ្ងៃទី២៨ ខែតុលា នៅលើ Twitter មានរឿងក្ដៅនិងមានការចាប់អារម្មណ៍ខ្លាំងមួយត្រូវបានអ្នកប្រើប្រាស់បណ្ដាញសង្គមមួយនេះផ្ដោតការចាប់អារម្មណ៍ គឺទៅលើតារាស្រី Margie Rasi ក្រោយមានរូបភាពតារាស្រីប្រចាំប៉ុស្ដិ៍លេខ៣រូបនេះបានបង្ហោះរូបភាពនិងវីដេអូទៅដើរលេងនៅប្រទេសអេស្ប៉ាញតាមរយៈ IG ឈ្មោះ Margie Rasi។
ប៉ុន្តែបែរជាលេចចេញរូបថតតារាស្រីរូបនេះបែរជាលេចចេញតារាស្រីរូបនេះស្ថិតក្នុងពិធីមង្គលការ Hi-So មិត្តភក្ដិរបស់តារាស្រីរូបនេះនៅក្នុងសណ្ឋាគារ The Glass House ដែលបានរៀបចំពិធីកាលពីថ្ងៃទី២៧ ខែតុលា ឆ្នាំ២០២១ កន្លងមក។ ក្រៅពីចំណុចនេះក៏មានករណីសង្ស័យទៅលើករណីដែលម៉ាក់ម៉ាក់រូបនេះមកដល់ប្រទេសថៃពេលណា ហើយមានបានធ្វើចត្តាឡីស័កតាមគោលការសុខាភិបាលដែរឬអត់?
ករណីខាងលើនេះមានសំនួរជាច្រើនបានសួរនាំចំពោះវិធានការណ៍ការពារក្នុងការរៀបចំពិធីមង្គលការក្នុងស្ថានភាពការរាតត្បាតនៃជំងឺកូវីដ-១៩ ព្រោះតែហេតុថានៅក្នុងពិធីមង្គលការខាងលើនេះភ្ញៀវកិត្តិយសដែលចូលរួមមិនមានពាក់ម៉ាស ឬក៏ធ្វើគំលាតសុវត្ថិភាពតាមការណែនាំរបស់រដ្ឋាភិបាល។ សម្រាប់ពិធីអាពាហ៍ពិពាហ៍នេះមានសេចក្ដីរាយការណ៍ថាអ្នកចូលរួមក្នុងពិធីចាំបាច់ត្រូវធ្វើតេស្តមុនចូលរួម ក្នុងនោះមានបុគ្គលល្បីៗជាច្រើនទៅចូលរួមដូចជា៖ Chompoo Araya ជាដើម។
សូមបញ្ជាក់ថាអ្នកទេសចរណ៍ដែលធ្វើដំំណើរចូលប្រទេសថៃចាប់តាំងថ្ងៃទី១ខែតុលា មុនថ្ងៃទី១ខែ វិច្ឆិកា អ្នកដែលធ្វើដំណើរចូលប្រទេសថៃត្រូវធ្វើចត្តាឡីស័កចំនួន៧ថ្ងៃសំរាប់អ្នកដែលចាក់វ៉ាក់សាំងគ្រប់ដូស៕
