លោក ឃាន គឹមលាង មានអាយុ ៤១ឆ្នាំ នៅថ្ងៃទី៣ ខែវិច្ឆិកា ឆ្នាំ២០២១ នេះ បានចេញមុខដាក់ពាក្យបណ្ដឹងទៅកាន់ព្រះរាជអាជ្ញានៃអយ្យការ អមសាលាដំបូងរាជធានីភ្នំពេញ ដើម្បីប្ដឹងម្ចាស់គណនីហ្វេសប៊ុក និងតិកតុក ឈ្មោះ ភី សម័យ (ភេទស្រី) និងបក្សពួកពីបទ ប៉ះពាល់ដល់ព្រះពុទ្ធសាសនា កាលពីថ្ងៃទី០១ ខែវិច្ឆិកា ឆ្នាំ២០២១ នៅលើបណ្ដាញសង្គមហ្វេសប៊ុក និងតិកតុក។
នៅក្នុងពាក្យបណ្ដឹងនោះ លោក ឃាន គឹមលាង បានលើកអង្គហេតុនៃដំណើរដើមទងសាច់រឿងខ្លះៗថា៖ «កាលពីថ្ងៃទី ខែវិច្ឆិកា ឆ្នាំ២០២១ ម្ចាស់គណនីហ្វេសប៊ុក និងតិកតុក (ភី សម័យ) និងបក្សពួកខ្លួនបានធ្វើការ Live ដោយយកស្បង់ចីពររបស់ព្រះសង្ឃមកស្លៀកដណ្ដប់បែបព្រះពុទ្ធសាសនាដោយគ្មានសិទ្ធិ ហើយបាននាំគ្នារាំញាក់ ដែលធ្វើឱ្យមនុស្សម្នាយ៉ាងច្រើនរិះគន់ចំពោះទង្វើបែបនេះ និងប៉ះពាល់ដល់ពុទ្ធសាសនិកជន បាត់បង់ជំនឿលើព្រះពុទ្ធសាសនា»។
នៅក្នុងពាក្យបណ្ដឹងនោះដែរ បុរសដែលមានអាស័យដ្ឋាន នៅ ភូមិគោកត្រប់ ឃុំតាម៉ឺន ស្រុកថ្មគោល ខេត្តបាត់ដំបង ក៏បានសំណូមពរដោយស្នើរសុំព្រះរាជអាជ្ញា ជួយរកយុត្តិធម៌ និងផ្ដន្ទាទោសម្ចាស់គណនីហ្វេសប៊ុក និងតិកតុក ភី សម័យ ព្រមទាំងបក្សពួក ទៅតាមនីតិវិធី។
លោក ឃាន គឹមលាង បានលើកអង្គហេតុនៃដំណើររឿងខ្លះៗថា កាលថ្ងៃទី០១ ខែវិច្ឆិកា ឆ្នាំ២០២១ ម្ចាស់គណនីហ្វេសប៊ុក និង តិកតុក និងបក្សពួក បានធ្វើការ Live (វីដេអូផ្សាយផ្ទាល់) ដោយយកស្បង់ចីពររបស់ព្រះសង្ឃមកស្លៀកដណ្ដប់បែបព្រះពុទ្ធសាសនាដោយគ្មានសិទ្ធ ហើយបាននាំគ្នារាំញ៉ាក់ ដែលធ្វើឱ្យមនុស្សម្នាយ៉ាងច្រើនរិះគន់ចំពោះទង្វើបែបនេះ និងប៉ះពាល់ដល់ពុទ្ធសាសនិកជន បាត់បង់ជំនឿលើព្រះពុទ្ធសាសនា។
ជាមួយគ្នានេះ លោក ឃាន គឹមលាង បានស្នើសុំ ព្រះរាជអាជ្ញា ជួយរកយុត្តិធម៌ និងផ្ដន្ទាទោសម្ចាស់គណនីហ្វេសប៊ុក និងតិកតុក ភី សម័យ ព្រមទាំងបក្សពួក ទៅតាមនីតិវិធី។
គួរដឹងដែរថា ម្ចាស់គណនី ភី សម័យ ដែលរងនូវការរិះគន់នៅលើបណ្ដាញសង្គម បន្ទាប់ពីនារីវ័យក្មេងដ៏ស្រស់សោភារូបនេះ បានចេញវីដេអូរាំជាមួយបុរសម្នាក់ លាបមុខជាខ្មោច ពាក់កងដៃកងជើង គ្រងស្បង់ដូចជាសង្ឃ ហើយលោតរាំគ្រលែង ទៅតាមតន្ត្រីញាក់កន្ត្រាក់អារម្មណ៍នោះ បានចេញមកសុំទោសជាសាធារណៈភ្លាមៗបន្ទាប់ពីរងការរិះគន់ ពីសំណាក់មហាជន និង ព្រះតេជព្រះគុណ ហាក់ សៀងហៃ៕
សូមចុចអាន ជ្រើម Halloween តារាខ្មែរតែងខ្លួនសង្ឃតារាថៃតែងខ្លួនព្រះពុទ្ធ រងព្រនង់ពីតុលាការហ្វេសប៊ុក!