តាមរយៈភាពយន្ត «Now we are breaking Up» បានជួយឲ្យ Song Hye Kyo និង Jang Ki Yong ក្លាយជាគូសម្ដែងដែលមហាជនផ្ដោតក្រសែភ្នែកជាពិសេស។ ថ្មីៗនេះឈុតឆាកស្នេហាលើគ្រែដែលកើតមានតាំងពីភាគដំបូងក្នុងសាច់រឿង កាន់តែធ្វើឲ្យដៃគូក្នុងសាច់រឿងទទួលបានការចាប់អារម្មណ៍ពីអ្នកគាំទ្រ។ ជាងនោះទៀត សកម្មភាពនិងទង្វើស្និទ្ធស្នាលក្រៅឆាករបស់ដៃគូទាំងពីរនេះកាន់តែធ្វើឲ្យសាធារណជន កើតសំនួរពេញក្បាលថា តើទំនាក់ទំនងអ្នកទាំងពីរជាអ្វីឲ្យប្រាកដ? ចុះអតីតស្វាមីរបស់តារាស្រីរូបនេះវិញគិតបែបណាដែរ?
ក្នុងពេលជាមួយគ្នានេះដែរ អតីតស្វាមីតារាសម្ដែងល្បី Song Jong Ki ក៏បានបញ្ចេញសកម្មភាពរបស់ខ្លួនលើបណ្ដាញសង្គម ទាក់ទាញបាននូវការចាប់អារម្មណ៍ពីហ្វេនខ្លាំងដូចគ្នា ដោយការផុសនូវអត្ថបទភាពយន្តរឿងភាគថ្មីដែលលោកទទួលសម្ដែង ក្រោយបញ្ចប់ដោយជោគជ័យភាពយន្តបែប ម៉ាហ្វៀដ៏ជោគជ័យ «Vincenzo»។
តាមរយៈរូបភាពខាងលើ មហាជនទាញបាននូវការសន្និដ្ឋានមួយថា តារារូបនេះកំពុងតែព្យាយាមចូលតួក្នុងសាច់រឿងថ្មីរបស់ខ្លួន គ្មានពេលទំនេរមកគិតពីព័ត៌មានចចាមអារ៉ាមរឿងរ៉ាវស្នេហាប្រុសនិងស្រីរបស់អតីតភរិយា Song Hye Kyo នោះឡើយ៕