ផ្លូវមួយចំនួនក្នុងក្រុងសៀមរាបនឹងធ្វើការបិទ ដើម្បីស្ថាបនា សាងសង់ រៀបចំអ៊ុតកៅស៊ូ។ ម៉្លោះហើយរដ្ឋបាលខេត្តសៀមរាបបានជូនដំណឹងដល់សាធារណជនឲ្យមានការវាងផ្លូវ ដើម្បីបញ្ចៀសការកកស្ទះចរាចរណ៍។
តាមសេចក្ដីជូនដំណឹង ការបិទផ្លូវមួយចំនួននឹងធ្វើឡើងពីថ្ងៃទី៣០វិច្ឆិកា ឆ្នាំ២០២១ ដែលស្ថិតនៅលើផ្លូវក្នុងក្រុងសៀមរាប ដូចខាងក្រោម៖
- ១-ចាប់ពីផ្លូវ ៣០ម៉ែត្រ ឆ្ពោះទៅកាន់ផ្លូវសាលឌីហ្គោល
- ២-ចាប់ពីស្តុបសណ្ឋាគារសុខាអង្គរ ឆ្ពោះទៅវង្វង់មូលជ័យវរ័ន្មទី៧
- ៣-ចាប់ពីស្ពានវត្តព្រះព្រហ្មរ័ត្ន ឆ្ពោះទៅកាន់ផ្សារចាស់
រដ្ឋបាលខេត្តសៀមរាបបានប្រាប់ទៀតថា ជៀសវាងការកកស្ទះចរាចរណ៍សូមបងប្អូនប្រជាពលរដ្ឋទាំងអស់អាចធ្វើដំណើរដោយបញ្ចៀសនូវផ្លូវខាងលើ ដោយប្រើប្រាស់ខ្សែផ្លូវផ្សេងជំនួស។
រដ្ឋបាលខេត្តក៏សូមការយោគយល់ខ្ពស់ចំពោះការបិទផ្លូវនេះ ដើម្បីក្រុមការងារធ្វើការចាក់កៅស៊ូឱ្យបានទាន់ពេលវេលាតាមផែនការដែលបានកំណត់៕