កាលពីព្រឹកថ្ងៃទី១៣ ខែធ្នូ ម្សិលមិញនេះ អ្នកគាំទ្រគ្រប់គ្នាសុទ្ធតែបានឃើញហើយថា បវរកញ្ញាមកពីប្រទេសឥណ្ឌាកញ្ញា Harnazz Sandhu គឺជាម្ចាស់ជ័យលាភីចំណាត់ថ្នាក់លេខ នៅ ក្នុងការប្រឡងបវរកញ្ញាចក្រវាឡលើកទី៧០ នាប្រទេសអ៊ីស្រាអែល។ យ៉ាងណាមិញ បវរកញ្ញា សិង្ហបុរី ហ្វីលីពីន និង វៀតណាម ដែលជាប្រទេសក្នុងចំណោមប្រទេសអាស៊ានទាំង១០ បានជាប់ចូលដល់វគ្គ Top16 នៅ ក្នុងកម្មវិធីប្រកួត។ ក្នុងចំណោមប្រទេសអាស៊ានទាំង៣ខាងលើនេះ មានប្រទេសអាស៊ានមួយ ដែលបានសាងប្រវត្តិសាស្ត្រដំបូងសម្រាប់ជាតិ ដោយសារបវរកញ្ញាប្រទេសនេះ បានជាប់ចូលដល់វគ្គ Top16 ក្រោយរង់ចាំអស់រយៈពេល ៣៤ឆ្នាំ។
យោងតាមសារព័ត៌មាន straitstimes បានផ្សាយថា ប្រជាជនសិង្ហបុរីបានរង់ចាំអស់រយៈពេលយ៉ាងយូរពោលគឺ៣៤ឆ្នាំទម្រាំបវរកញ្ញាទីពីររបស់ខ្លួនអាចចូលដល់វគ្គពាក់កណ្ដាលផ្ដាច់ព្រ័ត្រក្នុងការប្រកួតសម្រស់កម្រិតអន្តរជាតិ Miss Universe 2021 បន្ទាប់ពីបវរកញ្ញាទីមួយ Marion Nicole Teo ធ្វើបានសម្រេចកាលពីឆ្នាំ១៩៨៧ ខណៈដែលកាលណោះសិង្ហបុរីគឺជាម្ចាស់ផ្ទះរៀបចំកម្មវិធីប្រកួត។
បវរកញ្ញាចក្រវាឡតំណាងប្រទេសសិង្ហបុរីកញ្ញា Nandita Banna វ័យ២១ឆ្នាំ បានបង្កើតប្រវត្តិសាស្ត្រជូនប្រទេសជាតិនៅ ក្នុងកម្មវិធីប្រកួត Miss Universe លើកទី៧០ នាទីក្រុង Eilat ប្រទេសអ៊ីស្រាអែល កាលពីថ្ងៃច័ន្ទទី១៣ ខែធ្នូ តាមរយៈការឆ្លងចូលដល់វគ្គពាក់កណ្ដាលផ្ដាច់ព្រ័ត្រឬវគ្គ១៦នាក់ចុងក្រោយ។
កញ្ញា Nandita គឺជានិស្សិតឆ្នាំទី៣នៃវិទ្យាស្ថាន Raffles Institution សិក្សាជំនាញចំនួន ២ គឺ គ្រប់គ្រងពាណិជ្ជកម្ម និងវិភាគពាណិជ្ជកម្ម។ នារីដែលមានកម្ពស់ ១.៧៦រូបនេះ គឺជានារីម៉ូដែលតាំងពីឆ្នាំ២០១៧ មកម្ល៉េះ។ កញ្ញារូបនេះធ្លាប់ទុកសក់ខ្លីកាលពីកញ្ញាមានអាយុន៥ឆ្នាំ ចំពោះម៉ូដសក់ខ្លីបច្ចុប្បន្ននេះគឺជាសក់ខ្លីជាងគេដែលកញ្ញាធ្លាប់កាត់។ ម៉ូដសក់ខ្លីនេះកើតឡើងដោយសារតែក្រុមការងារ Miss Universe Singapore យល់ឃើញថាសម្រស់កញ្ញាត្រូវបានបិទបាំងដោយសារតែសក់ និងម្យ៉ាងទៀតគឺជាការកាត់ម៉ូដបែប Fashion ដែលកាន់តែធ្វើឱ្យបុគ្គលិកលក្ខណៈកញ្ញាលេចធ្លោឡើង។
ខាងក្រោមនេះគឺជាបញ្ជីបេក្ខភាព បវរកញ្ញា ទាំង១៦ រូបដែលជាប់វគ្គពាក់កណ្ដាលផ្ដាច់ព្រ័ត្រ Top16 ៖
- Miss France Clémence Botino (បវរកញ្ញា ប្រទេសបារាំង)
- Miss Colombia Valeria Maria Ayos Bossa (បវរកញ្ញា ប្រទេសកូឡុំប៊ី)
- Miss Singapore Nandita Banna (បវរកញ្ញា ប្រទេសសិង្ហបុរី)
- Miss Panama Brenda Smith Lezama (បវរកញ្ញា ប្រទេសប៉ាណាម៉ា)
- Miss Puerto Rico Michelle Marie Colón Ramírez (បវរកញ្ញា ប្រទេសព័រតូរីកូ)
- Miss Bahamas Chantel O’Brian (បវរកញ្ញា ប្រទេសប៉ាហាម៉ា)
- Miss Japan Juri Watanabe (បវរកញ្ញា ប្រទេសជប៉ុន)
- Miss Great Britain Emma Collingridge (បវរកញ្ញា ចក្រភពអង់គ្លេស)
- Miss United States Elle Smith (បវរកញ្ញា សហរដ្ឋអាមេរិក)
- Miss India Harnaaz Sandhu (បវរកញ្ញា ឥណ្ឌា)
- Miss Vietnam Nguyen Huynh Kim Duyen (បវរកញ្ញា វៀតណាម ជាប់តាមរយៈការបោះឆ្នោតពីហ្វេន)
- Miss Aruba Thessaly Zimmerman (បវរកញ្ញា ប្រទេស Aruba)
- Miss Paraguay Nadia Ferreira (បវរកញ្ញា ប្រទេសប៉ារ៉ាហ្កាយ)
- Miss Philippines Beatrice Luigi Gomez (បវរកញ្ញា ប្រទេសហ្វីលីពីន)
- Miss Venezuela Luiseth Emiliana Materán Bolaño (បវរកញ្ញា ប្រទេសវេណេស៊ុយអេឡា)
- Miss South Africa Lalela Lali Mswane (បវរកញ្ញា ប្រទេសអាហ្វ្រិកខាងត្បូង)
