នៅពេលថ្មីៗនេះ តារាចម្រៀងរ៉េបមានឈ្មោះល្បីប្រចាំផលិតកម្មបារមី វណ្ណដា (Vann Da) បានបង្ហោះរូបភាពជាច្រើនសន្លឹកនៅលើហ្វេសប៊ុកផេករបស់ខ្លួន ។ រូបភាពទាំងអស់នោះ ត្រូវបានអ្នកគាំទ្រមើលឃើញថា វណ្ណដា បានបង្ហាញកាយវិការស្និទស្នាលជាមួយតួស្រីម្នាក់ទម្រង់មុខកូនកាត់ខ្មែរបរទេស។
រូបរាងសង្ហារបស់តារាប្រុសនេះ មិនត្រឹមតែទាក់ទាញភ្នែកហ្វេនឡើយ តែហ្វេនអ្នកគាំទ្របែបជាចាប់អារម្មណ៍មើលឃើញថា ទង្វើឱបស្និទ្ធស្នាលជាមួយនារីនៅក្នុងរូបនោះ សង្ស័យតែមានទំនាក់ទំនងអ្វីជាពិសេសក្រៅសិល្បៈជាក់ជាមិនខាន។
ការពិតទៅ តួស្រីដែលបានថតកៀកកិតជាមួយ វណ្ណដា ត្រូវបានគេស្គាល់ថា ជាតារាខ្មែរកូនកាត់បរទេស នាងតែងតែបង្ហាញសកម្មភាពថតម៉ូឌែល និងហ្វេសសិន ព្រមទាំងចូលរួមសកម្មភាពសប្បុរធម៌ជាដើមនៅលើបណ្ដាញសង្គម។ យោងតាមទំព័រហ្វេសប៊ុករបស់នាង គឺមានឈ្មោះថា Marianne Clais ហើយនាងបានបង្ហាញមុខលើកដំបូងក្នុងបទចម្រៀងជាមួយ វណ្ណដា «CATCH ME IF YOU CAN » ជាតួឯកស្រីតែម្ដង។ យ៉ាងណាមិញ គេបានដឹងថា រូបភាពថ្មីៗដែល វណ្ណដា ទើបតែបង្ហោះនេះ គឺគ្រាន់តែជាការប្រម៉ូដផលិតផលតែប៉ុណ្ណោះ ប៉ុន្ដែអ្នកគាំទ្រ និងស្រឡាញ់ វណ្ណា បែរជាងាកមកច្រណែននឹងតួស្រីនេះ ហើយ Comment សម្ដីធ្ងន់ៗទំនងដូចជា មិនពេញចិត្តកាយវិការកៀកកិតរបស់អ្នកទាំងពីរ ហើយរាល់ Comment ក៏ស្ដែងពីអារម្មណ៍របស់ហ្វេនដូចដំបេះដូងឱ្យប្រះដូចកែវបែក។
ហ្វេនខ្លះបានចូលទៅ Comment ប្រាប់ទៅ វណ្ណដា ទាំងគ្រាំគ្រាថា «បងស្រីជួយដកដៃចេញបន្តិចទៅបង» «ចំហាយ ច្រណែនចេញមកភាយ» «រួចមិចក្បត់អូនចឹង» «ហេតុអ្វីបងក្បត់អូន?» «ចាប់អីក៏ចាប់ម្លេះ » «ប្ដីហាម៉េចធ្វើចឹងដាក់អូន »និងមានខ្លះទៀតនិយាយថា «ម្នាក់ស្រីហ្នឹងជាណាគេប្រាប់ញុំភ្លាម»។ មើលទៅ Comment របស់ហ្វេនៗ ដូចជាដាក់បន្ទុកទៅលើ វណ្ណដា ខ្លាំងដែលកំពុងធ្វើបាបបេះដូងហ្វេននារីៗតែម្ដង៕