យោងតាមសារព័ត៌មាន Shefinds បានផ្សាយថា Justin Bieber បានឈ្នះក្ដីនារីចំនួន២រូបដែលបានចោទប្រកាន់លោកថាបានប្រព្រឹត្តិអំពើអនាចារលើពួកនាងកាលពីឆ្នាំ ២០១៤ ដោយករណីនេះដោះស្រាយគ្នាជាលក្ខណៈឯកជន។ តាមដឹងហេតុផលដ៏សំខាន់មួយដែលតម្រូវឱ្យរឿងនេះចាំបាច់ត្រូវដោះស្រាយគ្នាជាសម្ងាត់ នោះ ព្រោះតែអតីតមិត្តស្រីរបស់តារាចម្រៀងកាណាដា វ័យ ២៧ឆ្នាំ កញ្ញា Selena Gomez គឺជាកូនសោរសំខាន់ដែលជួយឱ្យរឿងក្ដីនេះអាចបញ្ចប់ដោយរលូន។
Justin Bieber បច្ចុប្បន្នបានរៀបការជាមួយនឹងតារាម៉ូដែលវ័យ ២៥ គឺអ្នកនាង Hailey Bieber។ តារាចម្រៀងរុបនេះបានប្ដឹងនារីពីរនាក់ម្នាក់ទាមទារជំងឺផ្លូវចិត្តចំនួន២០លានដុល្លារ (ម្នាក់១០លានដុល្លារ) ទៅលើករណីដែលពួកនាងចោទប្រកាន់គ្មានមូលហេតុនិងព្យាយាមបង្ខូចឈ្មោះដោយបង្កើតពាក្យកុហកថាលោកបានប្រព្រឹត្តិអំពើបំពានលើរូបរាងកាយពួកនាង។ ប៉ុន្តែដោយសារបានតារាសម្ដែងវ័យ ២៩ឆ្នាំ កញ្ញា Selena តួឯកស្រីរឿង «Murders in the Building» មកធ្វើជាសាក្សីបញ្ជាក់ការពិតពីទីតាំងនិងពេលវេលាដែលកើតរឿងនោះ Justin នោជាមួយខ្លួន ទើបធ្វើឱ្យរឿងក្ដីត្រូវបានដោះស្រាយ ប៉ុន្តែដោះស្រាយជាលក្ខណៈឯកជនស្ងាត់។
រំលឹកឡើងវិញ នៅក្នុងបណ្ដឹងដំបូងស្ត្រីម្នាក់ឈ្មោះ Jane Doe ឬ Danielle បានប្រកាសថា Justin បានបំពានលើរាងកាយនាងនៅក្នុងសណ្ឋាគារ Four Seasons កាលពីថ្ងៃទី៩ ខែមីនា ក្រោយពេលកម្មវិធីប្រគំតន្ត្រី SXSW។ យ៉ាងណាមិញ Justin និង ក្រុមការងារអាចបញ្ជាក់ការពិតថាលោកមិនបាននៅក្នុងសណ្ឋាគារនោះពេញមួយយប់ ដោយ Justin និង Sel បានស្នាក់នៅ Airbnb។
ក្រោយសេចក្ដីប្រកាសកាលពីថ្ងៃទី៣ ខែវិច្ឆិកា ឆ្នាំ២០២១ ចៅក្រម Terry Green បានសម្រេចឱ្យរឿងក្ដីនេះដោះស្រាយបែបឯកជនព្រោះតែមានឈ្មោះតារាស្រី Selena ចូលទៅក្នុងនោះដែរ។
នៅក្នុងការប្រកាសសេចក្ដីពាក្យបណ្ដឹងមួយផ្សេងទៀតដែលចោទប្រកាន់ដោយ Khadidja ឬហៅខ្លីៗថា Kadi បានចោទប្រកាន់ម្ចាស់បទ «Yummy» បានបំពានលើរាងកាយនាងនៅសណ្ឋាគារ Langham កាលពីវេលាម៉ោង២អធ្រាត នាថ្ងៃទី៥ ខែឧសភា ឆ្នាំ២០១៥។ ថ្វីត្បិតតែ bieber បានស្នាក់នៅក្នុងសណ្ឋាគារនោះមែនប៉ុន្តែលោកបានចូលរួម Met Gala After Party រហូតដល់ម៉ោង៤ភ្លឺ ដូច្នេះការដែលនារីរូបនោះចោទប្រកាន់លោកប្រព្រឹត្តិអំពើនោះមិនអាចទៅរួចនោះទេ
យោងតាមប្រសាសន៍របស់លោកមេធាវី Radar ដែលជាមេធាវីរបស់កញ្ញា Khadidja បានពោលថា ការប្ដឹងផ្ដល់របស់កូនក្ដីលោកគឺមានការគាំពារដោយសំឡេងឆ្នោតពីរដ្ឋអាជ្ញា២ភាគ៣ ដូច្នេះគ្រប់គ្នាត្រូវរង់ចាំមើលសិនថា រឿងនេះនឹងដោះស្រាយដោយបែបណានៅទីបញ្ចប់៕