ជិះម៉ូតូលើផ្លូវបញ្ច្រាស ត្រូវម៉ូតូមួយគ្រឿងទៀតបើកបុករងរបួសធ្ងន់ម្នាក់ ស្រាលម្នាក់នៅខណ្ឌពោធិ៍សែនជ័យ

ភ្នំពេញ ៖ ស្ត្រីម្នាក់បានជិះម៉ូតូicon មួយគ្រឿងលើផ្លូវបញ្ច្រាស ត្រូវបានម៉ូតូមួយគ្រឿងទៀត បើកបុកដួលរងរបួសធ្ងន់ម្នាក់ ស្រាលម្នាក់ កាលពីវេលាម៉ោង៧និង៥០នាទីព្រឹកថ្ងៃទី១១ ខែមករា ឆ្នាំ២០២២ នៅផ្លូវជាតិលេខ៤ មុខសាលាសង្កាត់ចោមចៅទី៣ ភូមិថ្នល់បំបែក សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។

តាមប្រជាពលរដ្ឋដែលបានឃើញហេតុការណ៍ឲ្យដឹងថា មុនកើតហេតុ គេឃើញស្ត្រីរងគ្រោះ ជិះម៉ូតូម៉ាក icon ពណ៌ស ពាក់ស្លាកលេខ ភ្នំពេញ 1AV-6962 ជិះលើផ្លូវបញ្ច្រាស ពីកើត ទៅ លិច ដល់ចំណុចកើតហេតុ ស្រាប់តែម៉ូតូម៉ាកហុងដាឌ្រីម សេរី២០១៨ ពណ៌ខ្មៅ ពាក់ស្លាក លេខ ភ្នំពេញ 1GJ-9216 ជិះដោយបុរសម្នាក់ ពីលិចទៅកើត លើផ្លូវអថិភាព បុកបណ្តាល ឲ្យដេកដួលទាំង២គ្រឿង រងរបួសស្ត្រីម្នាក់បាក់ស្មាឆ្វេង ចំណែកបុរសម្នាក់ទៀតរងរបួស ស្រាល ។

ករណីខាងលើកើតឡើងភ្លាមៗ សមត្ថកិច្ចលើកម៉ូតូទាំង២គ្រឿងដាក់ចូលប៉ុស្តិ៍ ជៀសវាង កកស្ទះចរាចរ ចំណែកជនរងគ្រោះ ស្ត្រីម្នាក់របួសធ្ងន់ត្រូវបានក្រុមគ្រួសារដឹកតាម រថយន្ត ផ្ទាល់ខ្លួនយកទៅមន្ទីរពេទ្យ ៕

អត្ថបទ៖តាតុងពោធិ៍សែនជ័យ