«ស្ទាវខេត្ត» គឺជាបទចម្រៀងថ្មីដែលទើបតែបង្ហោះចេញឱ្យអ្នកគាំទ្របានស្ដាប់និងទស្សនានាពេលថ្មីៗនេះរបស់កំពូលតារាចម្រៀងយុវវ័យ៣ដួង មាន Tena, Van Chesda និង Glomyy Vincent ហើយទទួលបាននូវការគាំទ្រនិងសាទរយ៉ាងខ្លាំង។ បទចម្រៀងថ្មីនេះត្រូវបានសហដឹកនាំ (CO-Director) លោក David Tito បង្ហើបឱ្យដឹងថាចំណាយពេលវេលាថតយូរដើម្បីសម្រិតសម្រាំងយករូបភាពស្អាតៗ។
អតីតផលិតករផលិតកម្មវិធីរបស់ស្ថានីយទូរទស្សន៍ និងជា Director ផងនោះ លោក David Tito បានបង្ហើបឱ្យដឹងពីចំណាប់អារម្មណ៍របស់ខ្លួនពេលបានដឹកនាំសម្ដែងរួមគ្នាជាមួយនឹងថេណាយ៉ាងដូច្នេះថា៖ «នេះគឺជាបទពិសោធមួយដែលលោកបានរួមការងារជាមួយនឹងថេណាគឺជា Artist មានសមត្ថភាពមួយរូបអាចសរសេរចម្រៀងខ្លួនឯង ថែមទាំងជាមនុស្សបើកទូលាយ (Open) អាចពិភាក្សាផ្លាស់ប្ដូរយោបល់គ្នាបាន ដោយការងារដែលលោកធ្វើការសហការជាមួយគ្នាទៅលើការងារ Visual»។
បទចម្រៀងថ្មីរបស់ថេណា (ស្ទាវខេត្ត) នេះបានចំណាយអស់ Budget ច្រើន ដោយសារតែ Set Design ធំ ប៉ុន្តែលោកសុំមិនបញ្ជាក់ពីតម្លៃពិតប្រាកដនោះទេ។
David បាននិយាយឱ្យដឹងដែរថាបទចម្រៀងនេះមានលក្ខណៈខុសប្លែកពីបទចម្រៀងមុនៗរបស់ថេណា ព្រោះភាគច្រើនតារាចម្រៀង Orignal រូបនេះច្រើនបកស្រាយបទចម្រៀងស្នេហាខកចិត្ត ប៉ុន្តែសម្រាប់បទដែលច្រៀងរួមនឹង Van Chesda និង Glomyy គឺផ្ដល់នូវរសជាតិថ្មីមួយសម្រាប់អ្នកគាំទ្រ។
ថ្វីត្បិតតែបទចម្រៀងនេះត្រូវបានសាមីខ្លួនបញ្ជាក់អះអាងថាមានការសម្រិតសម្រាំងយ៉ាងល្អិតល្អន់យ៉ាងណាក្ដី តែលោកយល់ថាបទចម្រៀងនេះមិនអត់អ្នកដែលមិនចូលចិត្តនោះទេ ប៉ុន្តែសម្រាប់លោកយល់ថាបទចម្រៀងនេះគឺបានផ្ដល់នូវអារម្មណ៍និងរសជាតិមួយថ្មីសម្រាប់អ្នកគាំទ្រ។
នៅលើ Youtube Tena Khimpun បទចម្រៀង «ស្ទាវខេត្ត» បានបង្ហោះឱ្យអ្នកគាំទ្រឬហ្វេនៗទស្សនា កាលពីថ្ងៃទី១៥ ខែមករា ឆ្នាំ២០២២ មានចំនួនចុចចូលទស្សនា «៣១៦,០៨២» ខណៈនៅលើ facebook ឯណោះវិញក៏បង្ហោះក្នុងថ្ងៃដូចគ្នា មានចំនួន Like (៦២k) Share (១៥k) និង View (៣១៨k)៕
ទស្សនាវីដេអូចម្រៀង «ស្ទាវខេត្ត» ខាងក្រោមនេះ៖