ក្លិបបាល់ទាត់វិសាខា ប្រកាសនាំចូលខ្សែប្រយុទ្ធកម្ពស់ខ្ពស់ជាងគេនៅក្នុងលីគកំពូលកម្ពុជា ពោលគឺរហូតដល់ ២.០១ម៉ែត្រ កីឡាករ Athiu Kenjok Wal ជនជាតិអូស្ត្រាលី នាយប់ថ្ងៃទី២០ ខែមករា ឆ្នាំ២០២២។
ខ្សែប្រយុទ្ធវ័យ ២៩ឆ្នាំរូបនេះក៏ធ្លាប់លេងឲ្យក្លិប Sri Pahang FC អតីតក្លិបចាស់របស់ ចាន់ វឌ្ឍនាកា លីគកំពូលរបស់ប្រទេសម៉ាឡេសុី កាលពីរដូវកាល ២០២១ មុនផ្លាស់មកកាន់កម្ពុជា ចូលរួមជាមួយក្លិបវិសាខា។
លើសពីនេះ Athiu Kenjok Wal ក៏ធ្លាប់លេងជាមួយ Keisuke Honda នៅក្លិប Melbourne Victory FC លីគកំពូលរបស់ប្រទេសអូស្ត្រាលី ចន្លោះឆ្នាំ ២០១៤/១៨ និងក្លិបពាក់កណ្តាលអាជីពអូស្ត្រាលី Springvale White Eagles FC, Box Hill United SC ចន្លោះឆ្នាំ ២០១២/១៤៕