តារាកំប្លែងស្រីពីន ដែលជាដៃគូសម្ដែងដ៏ស័ក្ដិសមគ្នារបស់លោក អៀង ចេនឡា បានចេញមកបង្ហាញការសោកស្ដាយ ចំពោះកំហុសខ្លួនដែលមានការយល់ច្រឡំ និងអន់ចិត្តចំពោះលោក អៀង ចេនឡា ព្រោះមិនបានមកឡើងផ្ទះខ្លួន។
ព្រឹកមិញនៅលើបណ្ដាញសង្គមមានការផ្អើលមួយប្រ៉ាវនៅក្នុងស្រទាប់អ្នកសិល្បៈ ក្រោយពេលលោក សុខ រ៉ាស៊ី ពិធីករទូរទស្សន៍ហង្សមាសបានចេញមកទម្លាយពីអាការៈជំងឺបងប្រុសខ្លួនគឺលោក អៀង ចេនឡាថាមានស្ថានភាពធ្ងន់ធ្ងរខ្លាំងរហូតនិយាយរវីរវាយលែងដឹងអ្វីទាំងអស់។
ការបង្ហោះផ្សព្វផ្សាយរបស់លោក សុខ រ៉ាស៊ី បានជំរុញឱ្យមិត្តសិល្បករ សិល្បការិនីនិងសាធារណជនបានដឹងពីស្ថានភាពជំងឺចុងក្រោយរបស់លោក អៀង ចេនឡា ថាមានស្ថានភាពធ្ងន់ធ្ងរខ្លាំង ថែមលោកសុខរ៉ាស៊ីផ្ទាល់បានផ្ដល់សម្ភាសន៍តាមទូរស័ព្ទជាមួយនឹងសារព័ត៌មានត្រយងថា គ្រូពេទ្យបាននិយាយថាជំងឺបងប្រុសលោកពិបាកនឹងព្យាបាលបន្តទៀតណាស់។
មិនខុសពីមិត្តសិល្បករផ្សេងៗទៀតដែលរំជួលចិត្តចំពោះដំណឹងនេះ ក្រោយបានដំណឹងភ្លាមកញ្ញាស្រីពីន ដៃគូសម្ដែងរបស់លោក អៀង ចេនឡា បានចេញមកបង្ហាញពីអារម្មណ៍ពិតរបស់ខ្លួនចំពោះដំណឹងនេះថា៖ «ខ្ញុំខំតែអន់ចិត្ត និងបងប្រុសថា ឡើងផ្ទះប្អូនទាំងមូលមិនអញ្ចើញចូលរួមទេ! តាមការពិតបងប្រុស មានបញ្ហា បែបនេះសោះ មិនគួររឿងបែបនេះធ្លាក់ទៅលើបងប្រុសនោះទេសូមជូនពរទេវតា តាមថែរក្សាបងរួចផុតពីជំងឺនេះទៅចុះ បញ្ចាក់ គាត់មានជំងឺធ្ងន់ធរណាស់ ពេលនេះកំពុងសំរាកនៅមន្ទីរពេទ្យ កាល់ម៉ែត រលាកស្រោមខួរក្បាល សូមបងប្រុសឆាប់ជាមានបងប្អូនចាំ តាមដានការសំដែងរបស់បងប្រុសច្រើនណាស់ សង្ឃឹមថាបងនិងអាចមកសំដែងបានវិញណាក្នុងពេលឆាប់ជូនពុកម៉ែបងប្អូនបានសើចសប្បាយវិញណា។ គាត់តែងតែនែនាំ គាត់តែងតែជួយ បញ្ហាផ្លូវប្រាប់កន្លែងណាល្អនិងកន្លែងណាមិនគួរធ្វើមានការតែងតែហៅប្អូនខុសជេហៅមកឆាប់ជាណាបងប្រុស៕»
សូមចុចអាន៖ លោក សុខ រ៉ាស៊ី បញ្ជាក់ពីអាការបងប្រុស គ្រូពេទ្យថា មិនមានសង្ឃឹមក្នុងការព្យាបាលបន្ត
ប្រភពដើម៖