បន្ទាប់ពីអតីតម្ចាស់បំណុល A ដែលត្រូវជាអ្នកចាត់ការតារាល្បីៗសុំខ្លួនធ្វើជាម្ចាស់រៀបចំកម្មវិធីបុណ្យសពឱ្យ តេងម៉ូ ស្រាប់តែនៅពេលនេះកំពូលតារាសម្ដែងល្បីលំដាប់ប្រទេសរបស់ថៃ AUM Patcharapa បានចេញមកប្រកាសថាខ្លួនសុំធ្វើរឿងមួយនេះដើម្បី តេងម៉ូ មុនលាគ្នាអស់១ជីវិត។
សូមចុចអាន – អតីតម្ចាស់បំណុល លើកលែងបំណុលជិត ២ម៉ឺនដុល្លារសុំខ្លួនធ្វើម្ចាស់កម្មវិធីរៀបចំបុណ្យសពឱ្យ តេងម៉ូ ទៀត!
មរណ.ភាពដោយធ្លាក់ចុះពីអូប័រលង់ទឹកស្លា.ប់របស់ តេងម៉ូ និដា បានបន្សល់ទុកនូវភាពឈឺចាប់និងសោកស្ដាយយ៉ាងក្រៃលែងសម្រាប់ក្រុមគ្រួសារ មិត្តភក្ដិ និងអ្នកគាំទ្រ។ យ៉ាងណាមិញក្រៅពីអតីតម្ចាស់បំណុលដែលបានលើកលែងបំណុលជិត២ម៉ឺនដុល្លារឱ្យតេងម៉ូ បានសុំខ្លួនធ្វើម្ចាស់កម្មវិធីរៀបចំបុណ្យសពឱ្យហើយនោះ ស្រាប់តែកំពូលតារាសម្ដែងល្បីប្រចាំស្ថានីយទូរទស្ស៍ CH7 នាង Aum ក៏ចេញមកប្រកាសសុំខ្លួនចូលរួមជាម្ចាស់កម្មវិធីបុណ្យសពឱ្យ តេងម៉ូ ម្នាក់ទៀត។
មុននេះ AUM ធ្លាប់បានផុសអាលោះអាល័យចំពោះតេងម៉ូ ដែលជាប្អូនរាប់អានជិតស្និទ្ធថា៖ «កាលពីអំឡុងថ្ងៃកំណើតបង ប្អូនប្រាប់បងណុកថាចង់មក Surprise ថ្ងៃកំណើតបង កាលពីខែធ្នូកន្លងមក ប្អូនប្រាប់បងអេ ថាប្អូនចង់ជួបបងអាំ តែយើងនៅមិនទាន់បានជួបគ្នាផង សំរាកឱ្យស្រួលចុះណាប្អូនស្រីស្អាតរបស់បង បងៗគ្រប់គ្នានឹងនឹកដល់ប្អូនជានិច្ច»
ទីបំផុតមានព័ត៌មានបានផ្សាយថា AUM ស្ម័គ្រចិត្តសុំខ្លួនទទួលខុសត្រូវថ្លៃចាយវាយគ្រប់យ៉ាងក្នុងពិធីបុណ្យសពតេងម៉ូ និដា ចង់ប្ដូរផ្កាប៉ុន្មានឈុតក៏បាន ធ្វើយ៉ាងណាឱ្យស្អាតជាទីបំផុត ព្រោះបានសុំអនុញ្ញាតអ្នកម្ដាយរបស់តេងម៉ូ រួចហើយ។ មុននឹង AUM ប្រកាសសុំខ្លួន ធ្វើជាម្ចាស់កម្មវិធីរៀបចំបុណ្យសពឱ្យ តេងម៉ូ អ្នកចាត់ការទូទៅរបស់តារាល្បី A Supachai ក៏បានប្រកាសខ្លួនសុំធ្វើជាម្ចាស់រៀបចំបុណ្យសពឱ្យ តេងម៉ូ ផងដែរ៕
ប្រភព៖ tnews