ថៃ – រឿងមិនគួរឱ្យជឿរវាងតារាសម្ដែងជើងចាស់ Pock Piyathida និងតារាសម្ដែង Tengmo គឺបានកើតចំនួន២ដង ឱ្យតែពេលណាត្រូវតែសម្ដែងរួមគ្នាតែងមានកើតហេតុអាក្រក់ បណ្ដាលឱ្យខកខានមិនបានរួមសម្ដែងរឿងរួមគ្នារហូត។
យោងតាមការផ្សាយរបស់សារព័ត៌មានថៃ បានផ្សាយថាតារាសម្ដែង Tengmo និងរៀមច្បង Pock ធ្លាប់មានឱកាសសម្ដែងរួមគ្នារឿងដំបូង « รักแท้แซ่บหลาย » ឬ «ស្នេហ៍ពិតឆ្ងាញ់ម្ល៉េះ» ប៉ុន្តែកាលណោះ តេងម៉ូ ស្រាប់តែជួបគ្រោះថ្នាក់ បណ្ដាលឱ្យត្រូវផ្លាស់ប្ដូរតួសម្ដែងពី តេងម៉ូ មកជា Chompoo Araya វិញ។
ចុងក្រោយនេះភាពយន្តភាគរឿង «អ្នកប្រុស» ដែលត្រូវបញ្ចាំងនៅស្ថានីយទូរទស្សន៍ ONEHD ក៏កើតមានហេតុការណ៍ តេងម៉ូ និដា ធ្លាក់ពីលើអូប័រលង់ទឹកស្លាប់ ខណៈដែលសាមីខ្លួនថតបានចំនួន១០ឈុតហើយ ដោយតួអង្គដែល តេងម៉ូ សម្ដែងមានឈ្មោះថាចន្ទ ហើយត្រូវសម្ដែងតាំងពីវ័យក្មេង រហូតក្លាយជាម្ដាយរបស់ Tongtong ៕
នៅពេលដែលតេងម៉ូ ស្លាប់ដូច្នេះ តារាសម្ដែងដែលសម្ដែងរឿងនេះ បានត្រឹមតែរង់ចាំមើលថាតើផលិតករ និងអ្នកដឹកនាំនឹងជ្រើសរើសតារារូបណាមកសម្ដែងតួអង្គនេះ ព្រោះបើតាម Ying Ratha ដែលសម្ដែងក្នុងរឿងនេះបានបង្ហើបថា តេងម៉ូ សម្ដែងជាតួអង្គចន្ទបានយ៉ាងល្អ ហើយជាតួអង្គដែលសំខាន់ក្នុងការដំណើរសាច់រឿងថែមទៀត៕
ប្រភព៖ ONEHD