បាត់ដំបង៖ សមត្ថកិច្ចស្រុកកំរៀង បានឃាត់ខ្លួនជនសង័្សយ ០១នាក់ មកសាកសួរនៅអធិការដ្ឋាននគរបាលស្រុក ទាក់ទងនឹងករណីប្រើប្រាស់ដាវសាំម៉ូរ៉ៃ ដេញកាប់ទៅលើជនរងគ្រោះ តែដេញកាប់មិនបានបែរជាក្រុមជន សង័្សយបានកាប់ម៉ូតូជនរងគ្រោះទៅវិញ ។
សមត្ថកិច្ចបានឲ្យដឹងថា កាលពីថ្ងៃទី ៨ខែ មីនាឆ្នាំ២០២២ វេលាម៉ោង១៦ និង២០នាទី នៅចំណុចក្រុម ទី០៨ភូមិ ថ្មីឃុំត្រាង ស្រុកកំរៀង ខេត្តបាត់ដំបង មានករណីហិង្សាមួយបានកើតឡើង ដែលប្រព្រឹត្តដោយជនសង្ស័យមួយក្រុមមិនស្គាល់អត្តសញ្ញាណ បានប្រើប្រាស់ដាវសាំម៉ូរ៉ៃដេញកាប់ទៅលើជនរងគ្រោះ តែដេញកាប់មិនបាន ក្រុម ជនសង័្សយបានកាប់ម៉ូតូមួយគ្រឿងម៉ាកហុងដាឌ្រីមសេ125 ពណ៌ខ្មៅលេខតួលេខម៉ាស៊ីន 8677690ជារបស់ ជនរងគ្រោះឈ្មោះ ឃីម សម្បត្តិ ភេទប្រុស អាយុ១៩ឆ្នាំ រស់នៅភូមិបឹងរាំង ឃុំបឹងរាំង ស្រុកកំរៀង ខេត្តបាត់ដំបង មានមុខរបរជាកម្មករ បណ្ដាលឱ្យម៉ូតូមួយគ្រឿងខូចខាតដោយអន្លេី ។
បន្តាប់ពីកើតហេតុជនរងគ្រោះបានមកដាក់ពាក្យបណ្តឹងឲ្យសមត្ថកិច្ចជួយស្រាវជ្រាវរក រហូតដល់ថ្ងៃទី ១០ ខែ មីនា ឆ្នាំ២០២២ ទើបសមត្ថកិច្ចកំណត់មុខសញ្ញានិងឃាត់ខ្លួនជនសង្ស័យបានម្នាក់ឈ្មោះយ៉ុម រដ្ឋា ហៅអេត ភេទប្រុស អាយុ ២៣ ឆ្នាំរស់នៅភូមិអូរដាលើ ឃុំបឹងរាំង ស្រុកកំរៀង ខេត្តបាត់ដំបង ។
បច្ចុប្បន្ន ជនសង្ស័យត្រូវបានសមត្ថកិច្ចកសាងសំណុំរឿងបញ្ជូនមកការិយាល័យជំនាញដើម្បីចាត់ការបន្តតាមផ្លូវច្បាប់ ៕