នៅសល់ ២៣ថ្ងៃទៀតទេ ពិធីបុណ្យចូលឆ្នាំប្រពៃណីខ្មែរឆ្នាំ២០២២ នឹងឈានចូលមកដល់ តារាចម្រៀងល្បីប្រចាំផលិតកម្ម ហង្សមាស និងរស្មីហង្សមាស អ្នកនាង ពេជ្រ សោភា បានផុសរំលឹកអនុស្សាវរីយ៍ថតវីដេអូបទចម្រៀងចូលឆ្នាំជាមួយនឹងមិត្តសិល្បករ-សិល្បករការិនីល្បីៗក្នុងផលិតកម្មនៅលើបណ្ដាសង្គម ប៉ុន្តែមហាជនបែរជាផ្ដោតការចាប់អារម្មណ៍ទៅលើម៉ូដសក់របស់ តារាចម្រៀង លោក ឆន សុវណ្ណារាជទៅវិញ។
នៅថ្ងៃទី២១ ខែមីនា ឆ្នាំ២០២២ នេះ ម្ចាស់បទ «ស្លាប់ក្នុងឧទ្យានទឹកភ្នែក» បានបង្ហោះរូបភាពអនុស្សាវរីយ៍ថតបទចម្រៀងចូលឆ្នាំប្រពៃណីខ្មែរជាមួយនឹងមិត្តសិល្បករមានដូចជា លោក អ៊ិន ទីតូ តារាចម្រៀង រិន សាវ៉េត អ្នកនាង ឱក សុគន្ធកញ្ញា អ្នកនាង ពេជ្រ សោភា អ្នកនាង គីម លីហ្សា និងលោក ឆន សុវណ្ណារាជ។
យ៉ាងណាមិញហ្វេនមួយចំនួនធំហាក់ផ្ដោតការចាប់អារម្មណ៍ជាពិសេសទៅលើម៉ូដសក់ចាស់របស់លោក ឆន សុវណ្ណារាជ ជាងអ្នកណាៗទាំងអស់ ដោយមតិភាគច្រើនលើកដូចៗគ្នាថា ជាម៉ូដសក់សាហាវ និងឡូយកប់សារីជាដើម។
ខាងក្រោមនេះគឺជាការលើកឡើងជុំវិញម៉ូដសក់ របស់តារាចម្រៀង ឆន សុវណ្ណារាជ៖
«មេីលសក់ពូរាជកប់សារី» «សក់ពូរាជ្យ សាហាវ» «មើលបងរាជ្យកប់សារី» «សក់ពូរាជឈ្នះអស់មារសត្រូវ», «សក់ពូ រាជ កប់ម៉ង មីង ភា ក៏ សក់ស្ទៀវក្រុងដែល»៕
ប្រភព៖ ពេជ្រ សោភា Pich Sophea
