ការបង្ហាញវត្តមានរបស់កំពូលតារាចម្រៀងស្រី មាស សុខសោភា នៅលើកម្រាលព្រំក្រហម Pleng Music Awards 2022 ពិតជាធ្វើឱ្យផ្ទុះការចាប់អារម្មណ៍ចោលភ្នែកសម្លឹងមើលមិនដាក់ និងអមដោយសំឡេងហ៊ោកញ្ជ្រៀវរបស់ហ្វេន។ អ្នកនាង មាស សុខសោភា បញ្ចេញដំណើរអេឡេហ្កង់ជាមួយឈុតខ្មៅប្លីងៗភ្លេកៗ ចំហរភាពសិចស៊ីត្រង់ចង្កោះបន្តិច ឱ្យហ្វេនៗញាប់ញ័រនៅក្នុងអារម្មណ៍ និងកាន់តែធ្វើឱ្យកម្មវីធីទាំងមូលមើលទៅហឹកហ៊ាក់កាន់តែខ្លាំង។
ទោះផ្ទុះការសរសើរពីហ្វេនចំពោះការតុបតែងខ្លួនរបស់អ្នកនាង មាស សុខសោភា យ៉ាងណាក៏ដោយ ក៏មតិរិះគន់នៅតែមាន។ គេឃើញមានអ្នកលេងបណ្ដាញសង្គមម្នាក់លើកឡើងនៅក្នុង Comment ចំពោះរូបអ្នកនាង មាស សុខសោភា ដោយយករូបភាពតារាបង្ហាញម៉ូដហូលីវូដ គឺនាង BELLA HADID ស្លៀកឈុតបែបនេះនៅក្នុងកម្មវិធី Met Gala 2019 ស្រដៀងនឹង មាស សុខសោភា ។ ទំនងដូចជាមានបំណងមកចោទសួរជាសាធារណៈ ថា តើមួយឈុតអ្នកនាង មាស សុខសោភា មើលទៅចម្លងឈុតបរទេស?
ជាការពិតណាស់ ក្រោយបញ្ចប់ការដើរបង្ហាញនៅលើកម្រាលព្រំក្រហមរបស់ PMA2022 អ្នកនាង មាស សុខសោភា បានឈរផ្ដល់សម្ភាសន៍ជាមួយតារាស្រី ចេននី ដោយរៀបរាប់ពីអារម្មណ៍របស់ខ្លួន និងការច្នៃម៉ូដសម្រាប់រាត្រីដ៏អសច្ចារ្យនោះ។ អ្នកនាង មាស សុខសោភា បានប្រាប់ថា ឈុតនេះឌីហ្សាញដោយ Lady Tailor ទ្បេឌីច្នៃម៉ូត ដោយមាន Inspiration ពីតារាបង្ហាញម៉ូដបរទេសម្នាក់ និងចំណាយពេលដាំគ្រឿងតែមួយយប់ប៉ុណ្ណោះ។
យ៉ាងណាមិញ ក្រៅពីការដើរកម្រាលព្រំក្រហម Pleng Music Awards 2022 ត្រូវបានបញ្ចប់ដោយជោគជ័យ ជាមួយវត្តមានរបស់តារាកិត្តិយសដែលជាតារាសម្តែង តារាចម្រៀង និង Influencers យើងជាច្រើននាក់ហើយនោះ ចុះហ្វេនទាំងអស់គ្នាមានបានចាប់ចិត្តចាប់អារម្មណ៍លើឈុតណាទៀតដែរហ្អេស៎? Comment ថែមផងណា៎៕
ប្រភព៖ Pleng
