កញ្ញា សុខ ពិសី នេះបានចេញមកប្រកាសដំណឹងនៅលើបណ្ដាញទំនាក់ទំនងសង្គមហ្វេសប៊ុកថាកញ្ញានឹងមិនទទួលខុសត្រូវអ្វីទាំងអស់ចំពោះរាល់ Post ឬ Chat របស់គណនី Instagram សុខ ពិសី ព្រោះត្រូវបានជនអនាមិក Hack ទៅប្រើប្រាស់និងប្ដូរឈ្មោះបាត់ហើយ។
តារាចម្រៀងសាច់សខ្ចីប្រចាំផលិតកម្មសាន់ដេ (Sunday Production) នៅថ្ងៃទី១៨ ខែមេសា ឆ្នាំ២០២២ បានចេញមកផុសប្រកាសដំណឹងបន្ទាន់មួយដើម្បីចែកជូនជាព័ត៌មានទៅដល់មិត្តភក្ដិ សាច់ញាតិ និងហ្វេនៗរបស់ខ្លួនឱ្យដឹងថា គណនីរបស់ខ្លួនត្រូវបានគេលួចយក (Hack) និងប្ដូរឈ្មោះហើយ ដូច្នេះរាល់ផុសឬឆាតណាមួយទៀតដែលផុសចេញទៅនោះ កញ្ញាសូមបដិសេធនិងមិនទទួលខុសត្រូវអ្វីទាំងអស់ ព្រោះមិនមែនកញ្ញាជាអ្នកគ្រប់គ្រងលើគណនីនោះទៀតឡើយ។
តារាចម្រៀងដែលបានវិវត្តខ្លួនមកជាម្ចាស់អាជីវកម្មតែគុជរូបនេះ ក៏បានសំណូមពរឱ្យសាធារណជនជួយចែករំលែកដំណឹងដែលខ្លួនផុសឱ្យបានច្រើនដើម្បីជាព័ត៌មានមានប្រយោជន៍ចំពោះមហាជនខ្លាចក្រែងមានអ្នកខូចខាតទ្រព្យសម្បត្តិដោយប្រការណាមួយ ដែលអាចកើតមានឡើងជាយថាហេតុ។
ហ្វេនជាច្រើននាក់បានចូលមកសម្ដែងការសោកស្ដាយចំពោះការបាត់បង់ IG ដែលមានចំនួន Follower ជិត ១M ទៅហើយ ខណៈដែលអ្នកខ្លះទៀតបានលើកឡើងថាការដែលបាត់គណនីព្រោះតែ IG កញ្ញា នៅមិនទាន់មានសញ្ញា Blue verifies។ ដោយឡែកចំពោះហ្វេនដែលមានការយល់ដឹងលើផ្នែក IT ជាច្រើននាក់បានចូលមកផ្ដល់់យោបល់ និងវិធីសាស្ត្រផ្សេងៗដើម្បីឱ្យកញ្ញា សុខ ពិសី អាចទាញយកគណនីរបស់កញ្ញាមកប្រើប្រាស់វិញបាន។
«បងអុីមែលទៅ Instagram ទៅ ហេីយប្រាប់គេថាaccount បងបានត្រូវគេ hack . Instagram នឹងជួយយក account បងមកវិញ»
«តើមានធ្វើការReport pageដែររឺទេ? តើមានបំពេញពត៌មានSecondary នៅពេលបង្កើត Page ដំបូងទេ? ព្រោះយើងអាចទាញយកមកប្រើវិញនៅពេលណាមួយដែរម្ចាស់ត្រូវការចាំបាច់»
ប្រភព៖ Facebook Sok Pisey
អត្ថបទទាក់ទង៖
- តារាចម្រៀង សុខ ពិសី ចេញមកស្នើសុំឱ្យសត្វតោបានត្រលប់ទៅផ្ទះវិញ!
- តារាចម្រៀង សុខ ពិសី ក្ដាប់តំណែងជាទូតសុច្ឆន្ទៈរបស់ក្រុមហ៊ុនភេសជ្ជៈធំមួយ
- ផេនខេកហ្វេនកម្សត់! ច្រៀងបទ សុខ ពិសី ១០០បទឡើងដូច មិនខ្ចីទាល់! (Video Inside)
