បុរសដ៏លេចធ្លោនៅលើបណ្ដាញសង្គម តាន់ គីមសួរ កំពុងតែធ្វើឱ្យអ្នកគាំទ្រដែលស្រលាញ់ចូលចិត្តលោកកើតក្ដីព្រួយបារម្ភ ព្រោះតែពាក្យប៉ុន្មានឃ្លានោះហាក់បង្ហាញថាលោកកំពុងតែរងការគម្រាមកំហែងពីបុគ្គលខិលខូចមួយចំនួន ដែលប៉ះពាល់ផលប្រយោជន៍ដោយសារតែសកម្មភាពការពារអភិរក្សព្រៃឈើរបស់អ្នកប្រយុទ្ធបៃតងរូបនេះ។
យោងតាមការបង្ហោះរបស់លោកនៅលើបណ្ដាញសង្គមហ្វេសប៊ុក លោក តាន់ គីមសួ បានបង្ហោះរៀបរាប់នូវប្រយោគមួយចំនួនដែលធ្វើឱ្យមជ្ឈដ្ឋានមហាជនមានក្ដីព្រួយបារម្ភពីសុខសុវត្ថិភាពរបស់លោកព្រោះដឹងថាទង្វើរបស់លោកអាចនឹងធ្វើឱ្យបុគ្គលខិលខូចមិនពេញចិត្ត បើទោះជានៅចុងក្រោយឃ្លានៃប្រយោគរៀបរាប់នោះលោកបានបង្វែរស្ថានការណ៍វិញថា លោកគ្រាន់តែសរសេរលេងសើចក្ដី ប៉ុន្តែនៅចុងបញ្ចប់លោកមិនភ្លេចសង្កត់ធ្ងន់នូវការតាំងចិត្តរបស់ខ្លួនថា «គ្មានអ្វីអាចមករារាំងឬបញ្ឈប់ដំណើរការមួយនេះបានទេ»។
នេះគឺជាការដកស្រង់ទាំងស្រង់ចេញពី Caption របស់លោក៖ «ដោយសារតែមួយរយៈនេះ ខ្ញុំបានបង្កជាបញ្ហានិងភាពក្តៅក្រហាយខ្លាំង ជាពិសេសនោះគឺបានប៉ះពាល់ដល់ប្រយោជន៍ជនខិលខូចមួយចំនួនច្រើន ឥលូវនេះគេគម្រាមថានឹងមិនឲ្យខ្ញុំរស់នៅបានសុខទេ ខ្ញុំក៏គិតថា តើខ្ញុំគួរតែខ្លាចហើយឈប់ត្រឹមហ្នឹង ឬក៏ត្រូវបន្តដំណើរនេះទៅមុខទៀត?គ្រាន់តែដ្រាម៉ាលេងជាមួយបងប្អូនជាទីស្រលាញ់ទេ
គ្មានអ្វីអាចមករារាំងឬបញ្ឈប់ដំណើរមួយនេះបានទេ រាត្រីសួស្តីបងប្អូនជាទីឋ្រលាញ់ទាំងអស់គ្នា
»
ក្រោយលោកបង្ហោះកាលពីយប់ថ្ងៃទី២៩ ខែមេសា ឆ្នាំ២០២២ រួចមានអ្នកគាំទ្រលោកជាច្រើនបានចូលខមមិនលើកទឹកចិត្តនិងបង្ហាញពីការព្រួយបារម្ភចំពោះសុខសុវត្ថិភាពលោក។
«ការលេងសេីចគឺជាការពិត សូមទេវតាថែរក្សាបង បងជាវីរ:បុរសការពារព្រៃឈេី»,«សូមជូនពរបងប្រុសមានសុវត្ថិភាពគ្រប់ទីកន្លែង», «ដោយសារតែប្រយោជន៍ភ្នែកគេនឹងខ្វាក់ត្រជៀកគេថ្លង់បង តែខ្ញុំអគុណនឹងនៅតែគាំទ្របងរាល់សកម្មភាពដ៏ល្អរបស់បង», «មនុស្សអាក្រក់គង់តែវិនាស មនុស្សល្អដូចបងព្រះតាមជួយណាបង»
យ៉ាងណាមិញមិនមានសេចក្ដីបញ្ជាក់ឬខមមិនឆ្លើយឆ្លងណាមួយរបស់លោក តាន់ គីមសួរ សរសេរទៅកាន់អ្នកគាំទ្រដើម្បីបញ្ជាក់ពីខ្លឹមសារដែលលោកចង់មានន័យនៅក្នុងប្រយោគដែលលោកបានរៀបរាប់នោះឡើយ។
អត្ថបទទាក់ទង៖
- តាន់ គីមសួរ ប្រកាសប្រមូលគ្រាប់ពូជផ្ការំដួលជិតគ្រប់ ១លានគ្រាប់ត្រៀមបាចទូទាំងប្រទេស
- តាន់ គីមសួរ រំភើប យុទ្ធនាការព្យាបាលដំបៅផែនដីបានទទួលជោគជ័យ!
