ថៃ – ការប្រគំតន្ត្រីទេសចរណ៍របស់ Justin Bieber បានប្រកាសជាផ្លូវការហើយក្នុងនោះគឺមានការរៀបចំនៅប្រទេសថៃមួយដែរ។ ប៉ុន្តែជាការកត់សម្គាល់នោះសំបុត្រដែលមានតម្លៃថ្លៃបំផុត ៥០០ដុល្លារស្រាប់តែ មកដល់ពេលនេះកើនដល់សំបុត្រមួយមានតម្លៃជិត ៣ម៉ឺនដុល្លារអាមេរិកហើយ។
រយៈពេល៩ឆ្នាំហើយ ដែល Justin Bieber មិនធ្លាប់ត្រលប់មកប្រគំតន្ត្រីទេចរណ៍ខ្លួននៅក្នុងប្រទេសថៃឡើយ ដូច្នេះហើយការប្រគំតន្ត្រីនេះមានអ្នកចាប់អារម្មណ៍ច្រើនខណៈដែលសំបុត្រមានចំនួនតិចជាងអ្នកទស្សនា រហូតធ្វើឲ្យចំនួនចុចទិញតាមអនឡាញ និងទៅទិញនៅទីតាំងផ្ទាល់មានលក្ខណៈចង្អៀតណែន រហូតមានអ្នកខ្លះទៀតដែលមិនចង់ទៅតម្រង់ជួរសុខចិត្តទិញសំបុត្រក្រៅផ្លូវការ ទើបតម្លៃសំបុត្រដើមដែលថ្លៃទាបបំផុត ៧២ដុល្លារ និងខ្ពស់ជាងគេបំផុត៥០០ដុល្លារ ស្រាប់តែហក់ឡើងរហូតដល់ជិត៣ម៉ឺន។
រឿងនេះកំពុងតែក្លាយជាដំណឹងដ៏រសើបនិងក្ដៅគគុកនៅក្នុងប្រទេសថៃរហូតដល់មាន Celebrities ថៃមួយចំនួនបានយករូប Justin Bieber មកកាត់តលេងសើចនិងនិយាយថា មិនបាច់ចាយអស់មួយរៀលក៏អាចជួបជិតស្និទ្ធនិងថតរូបជាមួយនឹង កំពូលតារាចម្រៀងរូបនេះដែរ ក្នុងនោះមានកូនភ្លោះម៉ឺនលានបាត Saofah និង Payu ជាដើម៕
សូមទស្សនាវីដេអូ Top News៖
អត្ថបទទាក់ទង៖
- តម្លៃសំបុត្រ Concert ការប្រគំតន្ត្រីរបស់ Justin Bieber នៅប្រទេសថៃថ្លៃបំផុតជិត ៥០០ដុល្លារ!
- តម្លៃសំបុត្រ Concert ការប្រគំតន្ត្រីរបស់ Justin Bieber នៅប្រទេសថៃថ្លៃបំផុតជិត ៥០០ដុល្លារ!
- បែកធ្លាយ! Selena Gomez គឺជាកូនសោរសំខាន់ជួយឱ្យ Justin Bieber ឈ្នះក្ដី២០លានដុល្លារ…
ប្រភព៖ សារព័ត៌មានថៃ
