កាលពីថ្ងៃទី៣០ អតីតស្វាមីសាន់ឆាយ មហាសេដ្ឋី Wang Xiaofei បានចោទប្រកាន់ថា Barbie Hsu បានប្រើប្រាស់ថ្នាំហាមឃាត់ដែលធ្វើឱ្យស្ថានភាពផ្លូវចិត្តនាងមិននឹងន ប៉ុន្តែក្រោយមកលោកបានចេញមកសុំទោសវិញនិងទទួលស្គាល់ថាខ្លួនចោទប្រកាន់ភរិយា។ និយាយពីទំនាស់រវាងសាន់ឆាយ និងស្វាមីដែលឈានដល់ការបែកបាក់នេះ មិនមែនត្រឹមតែរឿងគំលាតនោះទេ ប៉ុន្តែបើតាមព័ត៌មានខ្សឹបខ្សៀវការលែងលះនេះកើតឡើងដោយសារតែស្វាមីសាន់ឆាយលួចលាក់មានស្រីនៅដីគោក និងធ្លាប់ប្រើប្រាស់ហិង្សាលើនាង ក្នុងខណៈដែលនាងមានផ្ទៃជិតគ្រប់ខែថែមទៀតផង។
ថ្មីៗនេះអតីតស្វាមីសាន់ឆាយបានចោទប្រកាន់នាងជាច្រើនរឿងមានដូចជារឿងនាងប្រើប្រាស់ថ្នាំហាមឃាត់ ថែមទាំងចោទប្រកាន់ថានាងមិនរក្សាចំណងអាពាហ៍ពិពាហ៍ដើម្បីកូនៗ និងមិនជួយលើការងាររកស៊ីរបស់លោកទៀត ក្រៅពីនោះលោកបានលើកឡើងទៀតថាលោកចំណាយប្រាក់១លានដុល្លារតៃវ៉ាន់ដើម្បីជួយចេញថ្លៃថ្នាំអតីតប្រពន្ធផងដែរ។
យ៉ាងណាមិញអ្នកចាត់ការទូទៅរបស់សាន់ឆាយបានឆ្លើយតបចំពោះការចោទប្រកាន់នេះថានាងមិនដែលល្មើសច្បាប់ ឬបង្ខំឱ្យអ្នកណាម្នាក់ធ្វើអ្វីដើម្បីនាងឡើយ លើកលែងតែរឿងដែលនាងសម្រេចចិត្តមិនទុកកូនទីបីដោយសារតែបេះដូងមិនដើរ។
កាលពីឆ្នាំ២០១៨ Barbie មានសុខភាពមិនល្អដូច្នេះនាងមិនបានធ្វើការងារនោះទេ ដោយផ្ដោតការថែរក្សាកូនទាំងពីរជាចំបង។ ប៉ុន្តែទោះជាចំណូលធ្លាក់ចុះ Barbie ហៅសាន់ឆាយនៅតែបែងចែកចំណាយប្រចាំខែជាមួយនឹងអតីតស្វាមីស្មើគ្នា ចំណែកលុយ១លាននោះគឺជាលុយដែល លោក Wang ពេញចិត្តនឹងផ្ញើឱ្យ Barbie ដើម្បីចំណាយក្នុងគ្រួសារ។
យោងតាមសារព័ត៌មានខ្សឹបខ្សៀវរឿងអាស្រូវតារាកាលពីថ្ងៃម្សិលមិញនេះបានទម្លាយរូបភាពអតីតស្វាមីសាន់ឆាយជាច្រើនសន្លឹកជាមួយនឹងស្រីស្នេហ៍ជាច្រើនរូបរបស់លោក ដោយបានសរសេរទៀតថាពាណិជ្ជកម្មរូបនេះលួចមានស្រីមុនលែងលះជាមួយនឹងសាន់ឆាយ។ យោងតាមសារព័ត៌មានដដែលនេះបានសរសេរទៀតថាលោក Wang ធ្លាប់នាំស្រីស្នេហ៍ទៅដល់ផ្ទះលោកនៅចិនដីគោកថែមទៀតងផង។ លោកបានទិញផ្ទះនិងទិញឡានឱ្យមិត្តស្រីបច្ចុប្បន្នរបស់លោកថែមទៀតផង ប៉ុន្តែនារីវ័យក្មេងនោះបានរំលូតកូនក៏ព្រោះតែនាងមិនចង់បានកូនទៀត។
ព័ត៌មាននោះបានចុះផ្សាយទៀតថា Wang Xiaofei បានច្រាន Barbie (សាន់ឆាយ) ខណៈដែលមានទំងន់៩ខែឱ្យដួល នៅពេលដែលអ្នកទាំងពីរឈ្លោះគ្នាសំណាងដែលមិត្តរបស់ Barbie បានឃើញហើយបានជួយវ៉ៃ អតីតស្វាមីរបស់សាន់ឆាត។
នាខែកុម្ភៈតារាសម្ដែងដ៏ល្បីល្បាញរបស់តៃវ៉ាន់នាង Barbie Hsu បានសម្រេចចិត្តរៀបអាពាហ៍ពិពាហ៍ជាមួយនឹង DJ Koo បុរសដែលធ្លាប់បានទាក់ទងគ្នាកាលពីអំឡុងឆ្នាំ ៩០ ក្រោយមកស្វាមីបច្ចុប្បន្នរបស់សាន់ឆាយបានហោះទៅរស់នៅនិងធ្វើការនៅតៃវ៉ាន់ ប៉ុន្តែបានពាក់កណ្ដាលខែលោកបានហោះទៅសហរដ្ឋអាមេរិកដើម្បីទំនាក់ទំនងមុខជំនួញ មុននឹងហោះទៅប្រទេសកំណើតវិញ៕