បាត់ដំបង÷ សមត្ថកិច្ចព្រំដែនបង្ក្រាបឃាត់ខ្លួនមេខ្យល់ ២នាក់ ប្រុងនាំពលករឆ្លងដែនចូលប្រទេសថៃដោយខុសច្បាប់។
នគរបាលជំនាញបានបញ្ជាក់ថា ប្រតិបត្តិការបង្ក្រាបនេះធ្វើឡើងរវាងកម្លាំងនគរបាលនៃអធិការដ្ឋាននគរបាលស្រុកសំពៅលូន សហការជាមួយកម្លាំងវរសេនាតូចនគរបាលការពារព្រំដែនគោកលេខ៨១៧ និងកម្លាំងវរសេនាតូច៥៣៣ ប្រចាំការតាមខ្សែបន្ទាត់ព្រំដែន កាលពី
យប់ថ្ងៃទី២៩ ឈានចូលថ្ងៃទី ៣០ ខែមិថុនា ឆ្នាំ២០២២ នៅចំណុចមាត់អូរព្រំដែនកម្ពុជា-ថៃ ជាប់ភូមិសាស្រ្តក្រុមទី០៧ ភូមិក្នុងគីឡូ១៣ ឃុំសន្តិភាព ស្រុកសំពៅលូន ខេត្តបាត់ដំបង។
ជនសង្ស័យឈ្មោះ មឿន មាន ភេទប្រុស អាយុ ៣៧ ឆ្នាំ និងឈ្មោះមឿន រដ្ឋា ភេទប្រុស អាយុ ២៩ ឆ្នាំ អ្នកទាំង ២នាក់មានទីលំនៅនៅភូមិអូរ ឃុំសន្តិភាព ស្រុកសំពៅលូន ខេត្តបាត់ដំបង។
ប្រភពពីសមត្ថកិច្ចបន្តដែរថា÷ ក្រុមជនសង្ស័យមុនពេលបង្ក្រាបបាន បានធ្វើសកម្មភាពទាក់ទងនាំពលករចំនួន ៥នាក់ មកពីនៅភូមិថ្នល់ ឃុំសម្បត្តិមានជ័យ ស្រុករមាសហែក ខេត្តស្វាយរៀង ហើយបម្រុងឆ្លងដែនពីប្រទេសកម្ពុជា ចូលទៅក្នុងទឹកដីប្រទេសថៃ ដោយខុសច្បាប់ ក្នុងកម្រៃប្រាក់ឈ្នួលក្នុងម្នាក់ៗចំនួន ៦០.០០០ រៀល។
ករណីដដែលនេះសមត្ថកិច្ចបានបញ្ជាក់បន្ថែមថា÷ ប្រតិបត្តិការបង្ក្រាបការលួចឆ្លងដែននេះមិនត្រឹមតែទប់ស្កាត់ទង្វើខុសច្បាប់ប៉ុណ្ណោះទេ លើសពីនេះក៏ជាវិធានការទប់ស្កាប់ការរាលឆ្លងនូវជំងឺកូវីដ-១៩ផងដែរ ខណ:ប្រទេសថៃកំពុងបន្តរាលឆ្លងគំហុកនៅឡើយ។ សំណុំរឿងខាងលើការិយាល័យជំនាញកំពុងអនុវត្តតាមនីតិវិធី ចំណែកឯពលករចំនួន ៥នាក់បានអប់រំហើយឲ្យវិលទៅមូលកាន់មូលដ្ឋានវិញ៕
អត្ថបទ÷ដំបងក្រញូង