ក្លិបបាល់ទាត់វិសាខា ក្រោមការដឹកនាំរបស់លោក មាស ចាន់ណា បានប្រកាសចែកផ្លូវជាមួយខ្សែប្រយុទ្ធជនជាតិស៊ូដង់ខាងត្បូងកាត់-អូស្ត្រាលី Athiu Kenjok Wal កម្ពស់ ២.០១ម៉ែត្រ ក្រោយចប់ជុំទី១នៃលីគកំពូលកម្ពុជា។
គួរដឹងថាមុនចូលរួមជាមួយ វិសាខា ខ្សែប្រយុទ្ធវ័យ២៩ឆ្នាំរូបនេះក៏ធ្លាប់លេងឲ្យក្លិប Sri Pahang FC អតីតក្លិបចាស់របស់ ចាន់ វឌ្ឍនាកា លីគកំពូលរបស់ប្រទេសម៉ាឡេសុី កាលពីរដូវកាល ២០២១។
លើសពីនេះ Athiu Kenjok Wal ក៏ធ្លាប់លេងជាមួយ Keisuke Honda នៅក្លិប Melbourne Victory FC លីគកំពូលរបស់ប្រទេសអូស្ត្រាលី ចន្លោះឆ្នាំ ២០១៤/១៨ និងក្លិបពាក់កណ្តាលអាជីពអូស្ត្រាលី Springvale White Eagles FC, Box Hill United SC ចន្លោះឆ្នាំ ២០១២/១៤៕