កំពូលតារាសម្ដែងកូនកាត់ថៃ-ប៊ែលហ្សិក Mai Davika មិនថាធ្វើអ្វីឬស្លៀកពាក់ឈុតអ្វីនោះទេ រមែងតែងតែមានការចាប់អារម្មណ៍ និងតាមដានពីមហាជនជាប់ជានិច្ច ព្រោះតែកញ្ញាមានរង្វង់មុខស្អាតប្លែកខុសពីគេ ជាពិសេសបើនិយាយពីរាងវិញនោះក៏ស្អាតអស់ទាស់មិនចាញ់តារាស្រីផ្សេងៗនោះឡើយ។
ថ្មីៗនេះ Mai Davika ទើបតែបង្ហោះរូបថតស្លៀកឈុតសំពត់ខ្លី អាវខើចលេចក្បាលពោះបង្អួតរាងតូចស្ដើងនិងសាច់សខ្ចីរបសខ្លួននៅលើបណ្ដាញសង្គម។
ប៉ុន្តែម្ដងនេះក្រៅពីទទួលបានការសរសើរពីរូបរាងដ៏សមសួនស្អាតរកកន្លែងខ្វះចន្លោះមិនបានហើយនោះ ក៏មានអ្នកគាំទ្រមួយចំនួនចាប់ផ្ដើមបង្ហាញអារម្មណ៍ព្រួយបារម្ភចំពោះ Mai ដោយសារតែអ្នកទាំងអស់នោះយល់ឃើញថា Mai ស្គមខ្លាំងពេក ដែលអាចនឹងមិនល្អសម្រាប់សុខភាពរបស់កញ្ញានោះឡើយ។
អ្នកលេងបណ្ដាញសង្គមបានលើកឡើងផ្សេងៗគ្នាចំពោះរូបរាងស្គមនៅសល់តែស្បែកដណ្ដប់ឆ្អឹងរបស់ Mai យ៉ាងដូច្នេះថា៖ «គួរឱ្យខ្លាចពេកហើយBaby ឆាប់តម្លើងគីឡូជាបន្ទាន់ កុំជឿពាក់សរសើរនៅលើបណ្ដាញសង្គម ម៉ៃគួរតែឆ្លុះកញ្ចក់ហើយទាញស្មារតីខ្លួនឯងត្រលប់មកវិញ ហើយត្រូវសម្លឹងមើលការពិត» ការលើកឡើងនេះមានអ្នកចូលមកចុច Like បង្ហាញពីសញ្ញាគាំទ្រ ព្រមទាំងមានអ្នកចូលមកខមមិនគាំទ្រចំពោះការលើកឡើងខាងលើយ៉ាងច្រើនសន្ធឹកសន្ធាប់៕