ក្រុមបាល់ទាត់ហ្វូតសាល Down Town Sport របស់កម្ពុជា បានរងបរាជ័យក្រោមថ្វីជើងក្រុម Bintang Timur Surabaya របស់ឥណ្ឌូណេស៊ី ដោយលទ្ធផល ១២-២ ក្នុងពានរង្វាន់ជើងឯកតំបន់អាស៊ាន 2022 AFF Futsal Cup កំពុងរៀបចំនៅប្រទេសថៃ ខណៈប្រកួតបន្តត្រូវប៉ះក្រុមមកពីឥណ្ឌូណេស៊ី។
លទ្ធផលសរុបនៅថ្ងៃបើកឆាកពានរង្វាន់ 2022 AFF Futsal Cup មាន៖
*ពូល A
-Down Town Sport ២-១២ Bintang Timur Surabaya
-Hongyen Thakam ១២-២ Brunei Perwira
*ពូល B
-Sahako ២-០ Ramelau
ក្រុមដែលចូលរួមប្រកួតមានចំនួន ៧ បែងចែកជា២ពូល ដោយក្នុងនោះពូល A៖ Hongyen Thakam (ថៃ), Down Town Sport (កម្ពុជា), Bintang Timur Surabaya (ឥណ្ឌូណេស៊ី), Perwira (ប្រ៊ុយណេ) ពូល B៖ Sahako (វៀតណាម), Selangor MAC (ម៉ាឡេស៊ី), Ramelau (ទីម័រខាងកើត)។
កម្មវិធីប្រកួតបន្តនៅថ្ងៃ ចន្ទ ទី៥ ខែកញ្ញា ឆ្នាំ២០២២៖
-ពូល B ម៉ោង១២ថ្ងៃត្រង់ Ramelau ប៉ះ Selangor MAC
-ពូល A ម៉ោង២:៣០នាទីរសៀល Perwira ប៉ះ Down Town Sport
-ពូល A ម៉ោង៥ល្ងាច Bintang Timur Surabaya ប៉ះ Hongyen Thakam
ការប្រកួតពានរង្វាន់តំបន់អាស៊ានលើកទី៧នេះ ធ្វើឡើងនៅថ្ងៃទី៤ដល់១០ ខែកញ្ញា ឆ្នាំ២០២២ ដោយក្រុមលេខ១និងលេខ២ក្នុងពូលមានឈ្មោះឡើងទៅប្រកួតវគ្គពាក់កណ្ដាលផ្ដាច់ព្រ័ត្រ និងបន្តរហូតដល់ផ្ដាច់ព្រ័ត្រ នៅNakhon Ratchasima ប្រទេសថៃ។ កន្លងមកក្រុមពីប្រទេសថៃ ឈ្នះជើងឯកទាំង៦លើក រួមមានក្រុម Port ៣លើក ក្រុម Chonburi Bluewave ចំនួន២លើក និងក្រុមBangkok BTS FC ១លើក។
