កីឡាការនីវាយកូនបាល់ Fiona Ferro បានចោទប្រកាន់អតីតគ្រូបង្វឹករបស់នាងគឺលោក Pierre Bouteyre វ័យ៥០ឆ្នាំ ពីបទរំលោភផ្លូវភេទ និងរំលោភសេពសន្ថវៈ ដោយសហព័ន្ធកីឡាវាយកូនបាល់បារាំង (FFT) ក៏បានគាំទ្រអត្តពលិករូបនេះផងដែរ។
កីឡាការនីវាយកូនបាល់ វ័យ២៥ឆ្នាំបានបញ្ជាក់ថា៖«ខ្ញុំមិនបានយល់ព្រមទេ ហើយការចាប់រំលោភសេពសន្ថវៈប្រព្រឹត្តដោយកម្រិតសីលធម៌ តាមមាត្រា ២២២-២៤ នៃក្រមព្រហ្មទណ្ឌ, ខ្ញុំដាក់ការទុកចិត្តទាំងអស់របស់ខ្ញុំចំពោះប្រព័ន្ធយុត្តិធម៌ក្នុងប្រទេសរបស់ខ្ញុំ ហើយខ្ញុំមិនចង់ធ្វើសេចក្តីថ្លែងការណ៍អ្វីផ្សេងទៀតលើនីតិវិធីស៊ើបអង្កេតព្រហ្មទណ្ឌ»។
អ្នកនាំពាក្យ WTA បាននិយាយថា៖«យើងសូមអបអរសាទរដល់ Fiona Ferro ដែលមានភាពក្លាហានក្នុងការចេញមុខចំពោះការចោទប្រកាន់រឿងទាំងនេះ»។
ថ្មីៗនេះ Fiona Ferro បានចាញ់ក្នុងការប្រកួតជម្រុះពានរង្វាន់ US Open ទល់នឹង Katie Bulter របស់អង់គ្លេស នៅទីក្រុងញូវយ៉ក សហរដ្ឋអាមេរិក ក្នុងលទ្ធផល ៦-២, ៦-៣ ដោយប្រើពេលរយៈពេលមួយម៉ោង និង១៥នាទី៕