យោងតាមការចុះផ្សាយពីបណ្ដាញសារព័ត៌មានមីយ៉ាន់ម៉ាបានឱ្យដឹងថាស្រីស្អាតភេទទី៣ ដែលជាតារាម៉ូដែលដ៏ល្បីនិងពេញនិយម ព្រមទាំងជាម្ចាស់តំណែងបវរកញ្ញាចក្រវាឡមីយ៉ាន់ម៉ា ឆ្នាំ២០២០ កញ្ញា May Thitsar Naung បានស្លា.ប់បាត់បង់ជីវិតហើយ ត្រឹមតែអាយុ ២២ឆ្នាំប៉ុណ្ណោះ។
សូមចុចអាន៖ កាសែតបរទេស ចាត់ទុកសកម្មភាព MU មីយ៉ាន់ម៉ាជាទង្វើមួយមិនធ្លាប់មានបវរកញ្ញារូបណាធ្លាប់ធ្វើពីមុន
យោងតាមវែបសាយ Latesnewssouthafrica កញ្ញា May Thitsar Naung (ស្រីស្អាតភេទីទី៣) បានអស់អាយុជីវិតកាលពីថ្ងៃ ៧ ខែ មិថុនា នៅក្នុងគ្រោះថ្នាក់ចរាចរណ៍ដ៏រន្ធត់មួយ។ ជាពិសេសរូបភាពក្រោយរងគ្រោះថ្នាក់របស់នាងត្រូវបានគេចែកចាយយ៉ាងគគ្រឹកគគ្រេងលើបណ្ដាញសង្គម។ នៅក្នុងរូបថតនោះគេអាចមើលឃើញថា ស្រីស្អាតរូបនេះរងរបួសយ៉ាងធ្ងន់ធ្ងរដោយសារតែប៉ះទង្គិចជាមួយរថយន្តដ៏ធំមាំមួយ។
យោងតាមហ្វេសប៊ុកផេកផ្លូវការរបស់ Pageanthology 101 បានផ្សព្វផ្សាយនៅក្នុងផេករបស់ខ្លួនបញ្ជាក់អំពីការស្លាប់បាត់បង់ជីវិតរបស់ម្ចាស់តំណែងបវរកញ្ញាមីយ៉ាន់ម៉ារូបនេះថាជាការពិត។
Pageanthology ក៏បានសរសេរសាររំលែកទុក្ខចំពោះកញ្ញារូបនេះថា៖ « RIP បវរកញ្ញាអន្តរជាតិមីយ៉ាន់ម៉ា២០២០ May Thitsar Naung។ May បានស្លាប់ក្នុងគ្រោះថ្នាក់ចរាចរណ៍កាលពីម្សិលម្ង៉ៃ(ថ្ងៃទី ៧ ខែមិថុនា ២០២១)»។
គ្រោះថ្នាក់ចរាចរណ៍នេះកើតឡើងដោយភាគីអ្នកបើកបររថយន្ត Lexus ស្ថិតក្នុងស្ថានភាពស្រវឹងបើកមកបុកឡាន Proboxរបស់ May។ ហេតុការណ៍សោកនាដកម្មនេះបានឆក់ជីវិតភរិយាអ្នកបើកបរឡាន Probox និង May Thitsar នៅកន្លែងខណៈដែលអ្នកបើកបរឡាន Probox បានស្លាប់នៅក្នុងមន្ទីរពេទ្យ។
មិត្តភក្តិ May Thitsar Maung កំពុងស្ថិតក្នុងស្ថានភាពធ្ងន់ធ្ងរត្រូវសង្គ្រោះបន្ទាន់ ខណៈជនបង្កបើកបររថយន្ត lexus ស្ថិតក្នុងស្ថានភាពមួយល្អធម្មតា៕
