ក្រុមបាល់ទាត់ជម្រើសជាតិវៀតណាម កំពុងតែស្ថិតនៅក្នុងប្រទេសអារ៉ាប់រួម ដើម្បីចូលរួមយុទ្ធនាការប្រកួតវគ្គជម្រុះជុំទី២ ប្រចាំទ្វីបអាស៊ី នៃពានរង្វាន់បាល់ទាត់ពិភពលោក 2022 FIFA World Cup និងវគ្គជម្រុះពាន AFC Asian Cup 2023 ជើងឯកទ្វីបអាស៊ី តែសមាជិកនៃក្រុមអាស៊ានមួយនេះបានរ៉ៃអង្គាសប្រាក់គ្នាបានចំនួន៣០០លានដុង ឬប្រមាណ១៣,០០០ដុល្លារអាមេរិក ជួយដល់រដ្ឋាភិបាលខ្លួនទិញវ៉ាក់សាំងបង្កាជំងឺកូវីដ-១៩។
អត្ថបទពាក់ព័ន្ធ៖កីឡាករម៉ាឡេស៊ី ឈ្លោះគ្នាពញ្ញាក់ គ្រូបង្វឹកក្នុងថ្ងៃខួបកំណើត (វីដេអូ)
បើតាមការចុះផ្សាយរបស់សារព័ត៌មាន aseanfootball បញ្ជាក់ថានេះជាការឆ្លើយតបទៅនឹងការអំពាវនាវរបស់រដ្ឋាភិបាលរបស់ប្រទេសវៀតណាម សម្រាប់ទិញវ៉ាក់សាំងផ្ដល់ជូនដល់ពលរដ្ឋទូទៅ ខណៈលោក Park Hang-seo ដែលជាគ្រូបង្វឹកក្រុមជម្រើសជាតិវៀតណាម បានអរគុណដល់ពលរដ្ឋវៀតណាម និងរដ្ឋាភិបាល ដែលតែងតែគាំទ្រដល់ក្រុមខ្លួន។
ប្រធានក្រុម Que Ngoc Hai របស់ក្រុមជម្រើសជាតិវៀតណាម បានលើកឡើងថា៖«មុនពេលយើងធ្វើដំណើរមកកាន់ប្រទេសអារ៉ាប់រួម ដើម្បីប្រកួតជម្រុះនេះ យើងមានឱកាសល្អទទួលបានការចាក់វ៉ាក់សាំង ដោយកិច្ចការជាអាទិភាពរបស់រដ្ឋាភិបាល។ ពួកយើងបានដឹងពីសារសំខាន់នៃវ៉ាក់សាំង ហើយក៏រ៉ៃអង្គាសប្រាក់នេះដើម្បីចូលរួមជាផ្នែកមួយជាមួយរដ្ឋាភិបាលប្រយុទ្ធជាមួយកូវីដ-១៩»។
អត្ថបទពាក់ព័ន្ធ៖Messi ឡាវ៖«ប្រទេសឡាវទាំងមូល នឹងគាំទ្រជម្រើសជាតិវៀតណាម ទៅប្រកួតWorld Cup»
ក្រុមជម្រើសជាតិវៀតណាម ត្រូវប្រកួតបិទពូលជា G ជាមួយក្រុមម៉ាឡេស៊ី នៅថ្ងៃទី១១ ខែមិថុនា ឆ្នាំ២០២១ ស្អែកនេះ ខណៈបច្ចុប្បន្នវៀតណាម មានមាន១៤ពិន្ទុ ឈរកំពូលតារាង តាមពីក្រោយដោយអារ៉ាប់រួម មាន១២ពិន្ទុ ហើយថៃ លេខ៣មាន៩ពិន្ទុ ស្មើគ្នាជាមួយក្រុមម៉ាឡេស៊ី ឈរលេខ៤ និងក្រុមឥណ្ឌូណេស៊ី លេខ៥មាន១ពិន្ទុ៕
