គ្រាន់តែរឿងសុំលុយប្រពន្ធ៣ម៉ឺនរៀបដើម្បីបង្គ្រប់ផ្ទះជួលមិនបាន បុរសម្នាក់ផ្ទុះកំហឹងរហូតដល់ហ៊ានលើកដៃសម្លាប់ប្រពន្ធរបស់ខ្លួន រួចព្យាយាមបញ្ចប់ជីវិតខ្លួនឯងដោយដើរចូលឡាន ប៉ុន្តែមិនបានសម្រេច។ ហេតុការណ៍នេះបានកើតឡើងកាលពីវេលាម៉ោង២០និង ៣០នាទី យប់ថ្ងៃទី ១៥ខែវិច្ឆិកាឆ្នាំ២០២២នេះនៅផ្ទះជនរងគ្រោះ ភូមិត្រេីយកោះ ឃុំឈេីខ្មៅ ស្រុកកោះធំ ខេត្តកណ្ដាល ។ជនសង្ស័យត្រូវបានចាប់ខ្លួននៅ១ថ្ងៃបន្ទាប់ពីប្រព្រឹត្តល្មើស។
ប្រភពពីសមត្ថកិច្ចបានឲ្យដឹងថា ជនរងគ្រោះមានឈ្មោះ អែម ធារ៉ា ភេទស្រី អាយុ១៦ឆ្នាំ ជនជាតិខ្មែរ មុខរបរ កសិករ រស់នៅចំណុចកេីតហេតុ។ ជនសង្ស័យឈ្មោះ ម៉ែល សំរ៉ូត ហៅ ម៉ែល លី ភេទប្រុស អាយុ២១ឆ្នាំ ជនជាតិខ្មែរឥស្លាម រស់នៅចំណុចកេីតហេតុ។
យោងតាមកំណត់ហេតុរបស់សមត្ថកិច្ចបានឲ្យដឹងថា កាលពី០១ឆ្នាំ មុន ជនរងគ្រោះនិងជនសង្ស័យបានរៀបមង្គលការនឹងគ្នា ហេីយបានរួមរស់ជាមួយគ្នារហូតមក។ ក្រោយមកប្ដីប្រពន្ធទាំងពីរ បាននាំគ្នាទៅធ្វេីការរោងចក្រ នៅ ឯរាជធានីភ្នំពេញ ធ្វេីការបានរយៈពេល ០៤ខែ ជនរងគ្រោះ មានផ្ទៃពោះ តែកូនមិននៅ (រលូតកូន)។ បន្ទាប់មកជនរងគ្រោះបានវិលត្រលប់មកស្រុកកំណេីតវិញ ដេីម្បីសម្រាកព្យាបាល។ ចំណែក ជនសង្ស័យ បន្តធ្វេីការដដែល រៀងរាល់ថ្ងៃសៅរ៍-អាទិត្យ តែងតែវិលត្រលប់ទៅផ្ទះជួបប្រពន្ធជាធម្មតា។
នៅថ្ងៃទី១០.១១.២០២២ ជនសង្ស័យ បានទូរស័ព្ទទៅប្រពន្ធសុំប្រាក់ចំនួន៣០,០០០៛ ដេីម្បីបង្រ្គប់ថ្លៃផ្ទះជួល ប៉ុន្តែជនរងគ្រោះ មិនព្រមឱ្យ ។ចាប់តាំងពីពេលហ្នឹងមកពួកគេបានផ្ដេីមមានទំនាស់ពាក្យសម្តី រហូតដល់ថ្នាក់បបួលគ្នាទៅលែងលះថែមទៀតផង។ ក្រោយមកជនសង្ស័យបានបោះពាក្យសម្តីថា ពេលខ្លួនត្រលប់មកផ្ទះវិញនឹងសម្លាប់ ជនរងគ្រោះ ហេីយសម្លាប់ខ្លួនឯងតាមក្រោយ។
នៅថ្ងៃខែឆ្នាំកេីតហេតុ វេលាម៉ោង ១៥:៣០នាទីជនសង្ស័យ បានទូរស័ព្ទមកជនរងគ្រោះថា ពេលថ្ងៃនឹងខ្លួនត្រលប់មកផ្ទះ និងបានប្រេីសំដីថា បេីអញមិនបាន អ្នកណាក៏មិនបានដែរ បេីស្លាប់គឺទាំងពីរនាក់។ ឮដូចនេះ ម្ដាយជនរងគ្រោះឈ្មោះ វ៉ន សា អាយុ៥២ឆ្នាំ ប្រាប់ថា កូនអេីយប្រយ័ត្នខ្លួនផង។ ថ្ងៃខែឆ្នាំដដែល វេលាម៉ោង ១៩:៣០នាទី ជនសង្ស័យ បានមកដល់ផ្ទះ ហេីយបានលុតជង្គង់សុំអង្វរ ឪពុកក្មេកឈ្មោះ ស៊ាង អែម អាយុ៥៣ឆ្នាំ ដេីម្បីសុំជានាជាមួយប្រពន្ធវិញ ប៉ុន្តែជនរងគ្រោះឆ្លេីយវិញថា “មិនបាច់អង្វរទេខ្ញុំអស់ចិត្តនឹងយេីងហេីយ” ពេលនោះឪពុកជនរងគ្រោះ បន្ថែមថា បេីរស់នៅជាមួយគ្នាមិនកេីតទេ ចែកផ្លូវគ្នាទៅប្រសេីរជាង បន្ទាប់មកជនសង្ស័យ បានដេីរចេញក្រៅបាត់ទៅ។ មួយសន្ទុះក្រោយមក ជនរងគ្រោះ បានទូរស័ព្ទហៅប្ដី ថាបេីមិនទាន់ត្រលប់ទៅរាជធានីភ្នំពេញវិញទេ មកសម្រាកនៅផ្ទះ ០១យប់ សិនទៅ ចាំស្អែកត្រលប់ទៅវិញ។
នៅពេលកេីតហេតុ ជនរងគ្រោះជាប្រពន្ធ កំពុងអង្គុយ លេងក្នុងអង្រឹងក្រោមផ្ទះ នៅចំណុចកេីតហេតុ ហេីយជនសង្ស័យជាប្ដី មកអង្គុយលេីគ្រែក្រោយខ្នងប្រពន្ធ ហេីយបានដកកាំបិតបន្ទោះ ដែលសៀតនៅនឹងចង្កេះចេញ យកមកធ្វេីសកម្មភាពចាក់ទៅលេីជនរងគ្រោះ ០១កាំបិត ចំកញ្ចឹងកខាងក្រោយ ផ្នែកខាងស្ដាំ បណ្ដាលឱ្យហូរឈាមពេញដី ដេកដួលនៅនឹងកន្លែង ហេីយជនសង្ស័យបានរត់គេចខ្លួនតែម្ដង។ ចំណែកក្រុមគ្រួសាររងគ្រោះ បានយកជនរងគ្រោះ ទៅសង្រ្គោះនៅឯមន្ទីរពេទ្យបង្អែកស្រុកកោះធំ ជាអកុសលជនរងគ្រោះ សង្រ្គោះមិនទាន់ក៏បានទទួលមរណភាពបាត់ទៅ។
ក្រោយពីទទួលបានព័ត៌មានខាងលេី កម្លាំងប៉ុស្ដិ៍រដ្ឋបាលនគរបាលឈេីខ្មៅ សហការជាមួយកម្លាំងនគរបាលជំនាញយុត្តិធម៌ស្រុក បានចុះទៅកន្លែងកេីតហេតុ ដេីម្បី ប្រមែលប្រមូលព័ត៌មាន ស្វែងរកជនសង្ស័យ ដេីម្បីចាត់ការតាមនីតិវិធី។
នៅយប់ថ្ងៃដដែល វេលាម៉ោង ២២:៥៥នាទី កម្លាំងនគរបាលចម្រុះស្រុកកោះធំ បានទទួលព័ត៌មានថា ជនសង្ស័យជួបគ្រោះថ្នាក់ចរាចរណ៍លេីកំណត់ផ្លូវជាតិលេខ២១អា កំពុងសម្រាកព្យាបាលនៅមន្ទីរពេទ្យបង្អែកស្រុកកោះធំ ស្ថិតនៅភូមិពោធិរាម្មា ឃុំព្រែកស្ដី ស្រុកកោះធំ។
យោងតាមចម្លេីយសារភាពររបស់ជនសង្ស័យ ឈ្មោះ ម៉ែល សំរ៉ូត (ម៉ែលលី) បានឱ្យដឹងថា៖ មុនពេលកេីតហេតុ ជនសង្ស័យ បានទាស់ពាក្យសំដីជាខ្លាំងជាមួយជនរងគ្រោះជាប្រពន្ធ រហូតដល់ថ្នាក់បបួលគ្នាលែងលះថែមទៀតផង ប៉ុន្តែជនសង្ស័យមិនព្រម ហេីយបានប្រេីសំដីថា បេីខ្លួនមិនបានគ្មានអ្នកណាបានទេ បេីស្លាប់គឺជាមួយគ្នា។ នៅថ្ងៃកេីតហេតុ វេលាម៉ោងប្រមាណ ១៤:០០នាទីរសៀល ពេលកំពុងធ្វេីដំណេីរពីរាជធានីភ្នំពេញ ត្រលប់ទៅផ្ទះវិញ មកដល់ចំណុចផ្សារព្រែកប៉ិ ស្ថិតនៅភូមិព្រែកប៉ិ ឃុំកោះធំ (ខ) ស្រុកកោះធំ ឈប់ទិញកាំបិតបន្ទោះ០១ដេីម កន្លែងជាងដំដែកតម្លៃ ២៥,០០០៛ ក្នុងគោលបំណងយកទៅចាក់សម្លាប់ប្រពន្ធ អែម ធារ៉ា រួចចាក់សម្លាប់ខ្លួនឯងតាមក្រោយ ដោយបានយកកាំបិតលាក់ទុកក្នុងថង់សម្លៀកបំពាក់។ រហូតដល់វេលាម៉ោង ១៦:០០នាទី ជនសង្ស័យបានធ្វេីដំណេីរ ទៅដល់ផ្ទះជនរងគ្រោះ ប៉ុន្តែរូបគេមិនទាន់ចូលផ្ទះនោះទេ ដោយពួនខាងក្រោយផ្ទះ រងចាំលបស្ដាប់ក្រុមគ្រួសារជនរងគ្រោះនិយាយគ្នា និងបានយកកាំបិតបន្ទោះសៀតជាប់នឹងចង្កេះលាក់មិនឱ្យឃេីញទេ រហូតដល់វេលាម៉ោងប្រមាណ ១៩:០០នាទីយប់ ទេីបជនសង្ស័យចូលផ្ទះ ហេីយបានចូលទៅលត់ជង្គង់សុំអង្វរ ឪពុកក្មេក សុំត្រូវគ្នាជាមួយប្រពន្ធវិញ តែគាត់មិនព្រម ពេលនោះជនរងគ្រោះឆ្លេីយថា ”មិនបាច់អង្វរទេ ខ្ញុំអស់ចិត្តនឹងយេីងហេីយ” បន្ទាប់មកជនសង្ស័យបានដេីរទៅជក់បារីក្នុងព្រៃចំការក្រោយផ្ទះកេីតហេតុ។ មួយសន្ទុះក្រោយមក ជនរងគ្រោះ បានទូរស័ព្ទហៅជនសង្ស័យ ថាបេីមិនទាន់ត្រលប់ទៅរាជធានីភ្នំពេញវិញទេ មកសម្រាកនៅផ្ទះ ០១យប់សិនទៅ ចាំស្អែកព្រឹកត្រលប់ទៅវិញ។ នៅពេលវេលាកេីតហេតុ ជនសង្ស័យ បានអង្គុយលេងក្រោយខ្នងជនរងគ្រោះ ហេីយ បានដកកាំបិតបន្ទោះចេញពីចង្កេះ ធ្វេីសកម្មភាពចាក់សម្លាប់ជនរងគ្រោះ ០១កាំបិត ចំកញ្ចឹងក ខាងក្រោយ ផ្នែកខាងស្ដាំ បណ្ដាលឱ្យហូរឈាមពេញដី ដេកដួលនៅនឹងកន្លែង ឃេីញដូចនេះជនសង្ស័យបានរត់គេចខ្លួន ដោយបានហែលទឹកឆ្លងទន្លេរបាសាក់ ពីត្រេីយខាងកេីត ទៅត្រេីយខាងលិច ខណៈពេលនោះ កាំបិតបន្ទោះដែលបានធ្វេីសកម្មភាព បានជ្រុះចូលក្នុងទន្លេបាត់។ ពេលឆ្លងទឹកទន្លេរួច ជនសង្ស័យ ពិបាកចិត្តពេក ក៏សម្រេចចិត្តរត់ចូលរថយន្ដធំ ០១គ្រឿង មិនស្គាល់ម៉ាក កំពុងធ្វេីដំណេីរលេីកំណាត់ផ្លូវជាតិលេខ២១អា សម្លាប់ខ្លួនតែមិនស្លាប់ ពេលដឹងខ្លួន គឺរូបគេកំពុងដេក សម្រាកក្នុងមន្ទីរពេទ្យបង្អែកស្រុកកោះធំទៅហេីយ។
បើតាមសមត្ថកិច្ច ជនសង្ស័យរងរបួស ផ្នែកចុងចញ្ចេីមខាងឆ្វេងចំនួន ០៥ថ្នេរ និងប្រអប់ដៃខាងឆ្វេងប្រហែល ៣០ថ្នេរ និងរលាត់ស្បែកចេញឈាមលេីថ្ពាល់ខាងឆ្វេង និងស្នាស្ដាំ របួសនេះ គឺបណ្ដាលមកពីគ្រោះថ្នាក់ចរាចរណ៍។ជនសង្ស័យ កំពុងសម្រាកព្យាបាលនៅមន្ទីរពេទ្យបង្អែកស្រុកខណៈដែលកម្លាំងនគរបាលជំនាញយុតិ្តធម៌កំពុងបន្តសំណុំរឿងទៅតាមនីតិវិធី៕
អត្ថបទ៖តាខ្មៅ