ក្រុមបាល់ទាត់ជម្រើសជាតិប្រេស៊ីល និងក្រុមកូឡុំប៊ី សុទ្ធតែរកបាន៣ពិន្ទុមុនគេដូចគ្នា ក្នុងប្រកួតបើកឆាកពានរង្វាន់ធំជាងគេប្រចាំទ្វីបអាមេរិកខាងត្បូង 2021 Copa América នៅថ្ងៃច័ន្ទ ទី១៤ ខែមិថុនា ឆ្នាំ២០២១ នេះ។
លទ្ធផលប្រកួតពូល B៖
*ប្រេស៊ីល ៣-០ វេណេហ្ស៊ុយអេឡា
ទាត់បញ្ចូលទីដោយMarquinhos នាទី២៣,Neymar នាទី៦៤, Gabriel Barbosa នាទី៨៩
*កូឡុំប៊ី ១-០ អេក្វាឌ័រ
ទាត់បញ្ចូលទីដោយ Cardona នាទី៤២
វីដេអូហាយឡាយរវាងប្រេស៊ីល ជាមួយវេណេហ្ស៊ូយអេឡា
វីដេអូហាយឡាយរវាង កូឡុំប៊ី ជាមួយ អេក្វាឌ័រ
គូប្រកួតបន្ទាប់ពូល A នៅព្រឹកថ្ងៃអង្គារ ទី១៥ ខែមិថុនា ឆ្នាំ២០២១៖
*អាហ្សង់ទីន ប៉ះ ឈីលី ម៉ោង៤ព្រឹក
*ប៉ារ៉ាហ្គាយ ប៉ះ បូលីវី នៅម៉ោង៧ព្រឹក
សូមបញ្ជាក់ថាពានរង្វាន់បាល់ទាត់វ័យ១០៥ឆ្នាំ នេះរៀបចំឡើងដោយសហព័ន្ធកីឡាបាល់ទាត់អាមេរិកខាងត្បូង The South American Football Confederation (CONMEBOL) នៅប្រទេសប្រេស៊ីល ក្រោយសហម្ចាស់ផ្ទះអាហ្សង់ទីន និងកូឡុំប៊ី សុំដកខ្លួន។
អត្ថបទពាក់ព័ន្ធ៖ប្រេស៊ីល រែកពុនធ្វើម្ចាស់ផ្ទះពានវ័យចំណាស់Copa América ក្រោយអាហ្សង់ទីននិងកូឡុំប៊ី ដកខ្លួន
ព្រឹត្តិការណ៍នេះមានក្រុមចូលរួមចំនួន១០ក្រុម បែងចែកជា២ពូល នឹងចាប់ផ្ដើមពីថ្ងៃទី១៣ ខែមិថុនា ដល់ថ្ងៃទី១០ ខែកក្កដា ឆ្នាំ២០២១។ ពូល A អាហ្សង់ទីន,ប៉ូឡាវី,អ៊ុយរុយហ្គាយ,ប៉ារ៉ាហ្គាយ ចំណែកពូល B កូឡុំប៊ី,ប្រេស៊ីល,វេណេហ្ស៊ុយអេឡា,អេក្វាទ័រ និងប៉េរូ។ ក្រុមចំណាត់ថ្នាក់លេខ១និងលេខ២ តាមពូលនីមួយៗមានឈ្មោះឡើងទៅលេងវគ្គពាក់កណ្ដាលផ្ដាច់ព្រ័ត្រត្រៀមដណ្តើមជើងឯកជាបន្ត។
ពានរង្វាន់ Copa America រៀបចំឡើងតាំងពីឆ្នាំ១៩១៦ ហើយក្រោយមកវិវត្តន៍រៀបចំនៅរាល់៣ឆ្នាំម្តង ដោយប្រទេសអ៊ុយរ៉ាហ្គាយ ឈ្នះពានរង្វាន់បានច្រើនជាងគេ គឺរហូតដល់១៥លើក ខណៈក្រុមប្រេស៊ីល ជាម្ចាស់ជើងឯកឆ្នាំចាស់កាលពីឆ្នាំ២០១៩។ ចំណែកក្រុមអាហ្សង់ទីន ធ្លាប់ឈ្នះបាន១៤លើក ក្រុមប៉ារ៉ាហ្គាយ និងឈីលី ឈ្នះបានម្នាក់២លើក និងកូឡុំប៊ី និងបូលីវី ឈ្នះម្នាក់១លើក៕