ហ្សឺណែវ៖ រដ្ឋជាសមាជិកនៃអង្គការសុខភាពពិភពលោក (WHO) នៅថ្ងៃចន្ទ សប្ដាហ៍នេះ បានសម្រេចចិត្តមិនអញ្ជើញកោះតៃវ៉ាន់ ឱ្យចូលរួមក្នុងសន្និបាតប្រចាំឆ្នាំរបស់អង្គការនៅទីក្រុងហ្សឺណែវ បន្ទាប់ពីប្រទេសចិន បានអំពាវនាវឱ្យប្រទេសនេះស្ថិតនៅក្រៅខ្សែបណ្ដោយ។ នេះបើយោងតាមការចេញផ្សាយដោយសារព័ត៌មាន CNA នាថ្ងៃអង្គារ ទី២៨ ខែឧសភា ឆ្នាំ២០២៤។
![](https://cdn.troryorng.com/wp-content/uploads/2024/05/28125009/image-2392.png)
តៃវ៉ាន់ ត្រូវបានដកចេញពីសមាជិករបស់អង្គការអន្តរជាតិជាច្រើន ដោយសារតែការជំទាស់របស់ចិន ដែលចាត់ទុកកោះដែលគ្រប់គ្រងតាមបែបប្រជាធិបតេយ្យ នេះ ជាទឹកដីរបស់ខ្លួន។
លោក Chen Xu តំណាងអចិន្ត្រៃយ៍របស់ចិន ប្រចាំអង្គការសហប្រជាជាតិ នៅទីក្រុងហ្សឺណែវ បាននិយាយថា មិនមានមូលដ្ឋាននយោបាយសម្រាប់តៃវ៉ាន់ ក្នុងការចូលរួមក្នុងមហាសន្និបាតសុខភាពពិភពលោក របស់អង្គការសុខភាពពិភពលោក (WHA) ទេ ហើយបានចោទប្រកាន់មន្ត្រីតៃវ៉ាន់ ថា មានចេតនាធ្វើនយោបាយលើបញ្ហាសុខភាព។
![](https://cdn.troryorng.com/wp-content/uploads/2024/05/28125119/image-2394-1024x576.png)
លោកបាននិយាយថា «គម្លាតដែលគេហៅថា នៅក្នុងប្រព័ន្ធការពារការរាតត្បាតសកល គឺសមហេតុសមផលសុទ្ធសាធ» ដោយសំដៅលើការអំពាវនាវរបស់តៃវ៉ាន់ និងសម្ព័ន្ធមិត្តឱ្យបញ្ចូលវា ដើម្បីការពារជំងឺរាតត្បាតឱ្យកាន់តែប្រសើរឡើង។
![](https://cdn.troryorng.com/wp-content/uploads/2024/05/28125158/image-2396.png)
មុនពេលការសម្រេចចិត្តនេះ រដ្ឋមន្ត្រីសុខាភិបាលតៃវ៉ាន់ លោក Chiu Tai-yuan បាននិយាយថា ការអវត្តមានរបស់តៃវ៉ាន់ ពីសភាកំពុងរារាំងដល់កិច្ចខិតខំប្រឹងប្រែងការពារជំងឺរាតត្បាតផងដែរ។
លោក បន្ដែមថា «ការចូលរួមរបស់តៃវ៉ាន់ នៅក្នុងមហាសន្និបាតសុខភាពពិភពលោក (WHA) និងអង្គការសុខភាពពិភពលោក (WHO) គឺជាបញ្ហាសុខភាព មិនមែនជារឿងនយោបាយទេ»។
![](https://cdn.troryorng.com/wp-content/uploads/2024/05/28125129/image-2395.png)
សូមជម្រាបថា តៃវ៉ាន់ បានចូលរួមមហាសន្និបាតសុខភាពពិភពលោក របស់អង្គការសុខភាពពិភពលោក (WHA) ក្នុងនាមជាអ្នកសង្កេតការណ៍ពីឆ្នាំ២០០៩ ដល់ឆ្នាំ២០១៦ ក្រោមការដឹកនាំរបស់អតីតប្រធានាធិបតីនៃសាធារណរដ្ឋចិន លោក Ma Ying-jeou ដែលបានចុះហត្ថលេខាលើកិច្ចព្រមព្រៀងពាណិជ្ជកម្ម និងទេសចរណ៍សំខាន់ៗជាមួយប្រទេសចិន។
![](https://cdn.troryorng.com/wp-content/uploads/2024/05/28125055/image-2393-1024x700.png)
![](https://cdn.troryorng.com/wp-content/uploads/2024/05/28125219/image-2397.png)
ប៉ុន្តែទីក្រុងប៉េកាំង បានចាប់ផ្តើមរារាំងការចូលរួមរបស់តៃវ៉ាន់ នៅក្នុងឆ្នាំ២០១៧ បន្ទាប់ពីអតីតប្រធានាធិបតីតៃវ៉ាន់ លោកស្រី Tsai Ing-wen បានឈ្នះតំណែង សម្រាប់ការតវ៉ា និងបដិសេធពីគោលបំណងរបស់ចិន ដែលថា ទាំងចិន និងតៃវ៉ាន់ គឺជាផ្នែកនៃ «ចិនតែមួយ»៕
![](https://cdn.troryorng.com/wp-content/uploads/2024/04/27142737/Troryorng-Telegram-1-1024x126-1-1-1-1.jpg)