ព្រឹត្តិការណ៍ប្រកួតកីឡាបាល់ទះជើងឯកប្រចាំទ្វីបអាស៊ីផ្នែកបុរស 2024 Asian Men’s Volleyball Challenge Cup កំពុងតែប្រកួតនៅទីក្រុង Isa ប្រទេសបារ៉ែន ដោយមាន១២ក្រុមចូលរួមប្រកួត ខណៈប្រទេសសមាជិកអាស៊ានចំនួន៤ បានបញ្ជូនក្រុមទៅប្រកួតប្រជែង។
ស្ថិតក្នុងវគ្គជម្រុះតាមពូល ក្រុមហ្វីលីពីន បានអស់ឱកាសឡើងទៅជុំបន្តមុនគេក្រោយប្រកួតចាញ់ទាំង២លើកជាប់ៗគ្នាក្នុងពូល A៖
២ មិថុនា ២៤ ហ្វីលីពីន ០-៣ ចិន
៣ មិថុនា ២៤ បារ៉ែន ៣-០ ហ្វីលីពីន
ចំណែកក្រុមថៃ ស្ថិតក្នុងពូល B ដោយក្នុងនោះ៖
៣ មិថុនា ២៤ ថៃ ០-៣ ប៉ាគីស្ថាន
៤ មិថុនា ២៤ កាហ្សាក់ស្ថាន Vs ថៃ
សម្រាប់ឥណ្ឌូណេស៊ី ស្ថិតនៅក្នុងពូល C ដោយ៖
២ មិថុនា ២៤ កូរ៉េខាងត្បូង ៣-០ ឥណ្ឌូណេស៊ី
៤ មិថុនា ២៤ ឥណ្ឌូណេស៊ី Vs កាតារ
ចំពោះក្រុមវៀតណាម ស្ថិតនៅពូល D ដោយ៖
៣ មិថុនា ២៤ វៀតណាម ០-៣ អូស្រ្តាលី
៤ មិថុនា ២៤ តៃវ៉ាន់ Vs វៀតណាម
ពានរង្វាន់ Asian Men’s Volleyball Challenge Cup បង្កើតឡើងពីឆ្នាំ២០១៨ ដោយគ្រោងធ្វើឡើងរៀងរាល់ឆ្នាំ ប៉ុន្តែការរៀបចំកន្លងមកមានការរអាក់រអួលខ្លះៗ ក្នុងនោះនៅឆ្នាំ២០១៨ ជើងឯកបានទៅអ៊ីរ៉ាក់, ឆ្នាំ២០២០ មិនបានរៀបចំដោយសារជំងឺកូវីដ-១៩, ឆ្នាំ២០២២ ជើងឯកបានទៅក្រុមជីគីស្ថាន, ឆ្នាំ២០២៣ ជើងឯកបានទៅថៃ។
ក្រុមលេខ១និងលេខ២តាមពូលមានឈ្មោះឡើងវគ្គវគ្គ៨ក្រុមចុងក្រោយបន្តប្រកួតប្រជែងរហូតដល់រកម្ចាស់ជើងឯកប្រចាំឆ្នាំតែម្តង។ ក្រុមជើងឯកនឹងតំណាងឱ្យទ្វីបអាស៊ី ទៅចូលរួមប្រកួតក្នុងពានរង្វាន់កម្រិតទី២ពិភពលោក 2024 FIVB Challenger Cup បន្ទាប់ពីពានរង្វាន់ 2024 FIVB Men’s Volleyball Nations League៕
