សេអ៊ូល៖ យោងតាមទីភ្នាក់ងារសារព័ត៌មានយ៉ុនហាប់ បានឱ្យដឹងថា ប្រទេសកូរ៉េខាងជើង បានបាញ់មីស៊ីលផ្លោង ឆ្ពោះទៅកាន់សមុទ្រ នាថ្ងៃពុធ សប្ដាហ៍នេះ។ នេះបើយោងតាមការចេញផ្សាយដោយសារព័ត៌មាន CNA នាថ្ងៃពុធ ទី២៦ ខែមិថុនា ឆ្នាំ២០២៤។
អគ្គសេនាធិការចម្រុះរបស់កូរ៉េខាងត្បូង បាននិយាយថា ខ្លួនបានឃើញការបាញ់បង្ហោះនេះ ប៉ុន្តែមិនបានផ្តល់ព័ត៌មានលម្អិតទេ ដោយនិយាយថា ការវិភាគកំពុងដំណើរការ។
![](https://cdn.troryorng.com/wp-content/uploads/2024/06/26102732/1-48.jpg)
ទាក់ទិននឹងបញ្ហានេះ ការិយាល័យនាយករដ្ឋមន្ត្រីជប៉ុន លោក Fumio Kishida បានបញ្ជាក់នៅលើប្រព័ន្ធផ្សព្វផ្សាយសង្គម X ថា កូរ៉េខាងជើងបានបាញ់បង្ហោះមីស៊ីលផ្លោង។ ការិយាល័យ លោក Fumio Kishida បន្ដថា មីស៊ីល ដែលបាញ់ចូលសមុទ្រខាងកើតរបស់ជប៉ុន ប៉ុន្ដែមីស៊ីលនេះ មិនត្រូវបានរំពឹងថា នឹងទៅដល់ប្រទេសជប៉ុនឡើយ។
![](https://cdn.troryorng.com/wp-content/uploads/2024/06/26102729/methode_times_prod_web_bin_f1dfb524-a126-4f87-98f8-bdd6f4ea58db.jpg)
![](https://cdn.troryorng.com/wp-content/uploads/2024/06/26102741/north-korea-launches-ballistic-missile-183625615-3x4-1.jpg)
ការបាញ់បង្ហោះនេះកើតឡើងចំពេលមានភាពតានតឹងនៅតំបន់ព្រំដែន ខណៈរដ្ឋកុម្មុយនិស្តដ៏ឯកោមួយនេះ បាននឹងកំពុងបញ្ជូនប៉េងប៉ោងដឹកសំរាមចូលទៅក្នុងកូរ៉េខាងត្បូង ដើម្បីជាការសងសឹកវិញនោះ។
![](https://cdn.troryorng.com/wp-content/uploads/2024/06/26102721/thumbs_b_c_ccdcb3ba39a8666c5d831a43559d9c22.jpg)
ការបាញ់បង្ហោះមីស៊ីលចុងក្រោយរបស់កូរ៉េខាងជើង មុនការបាញ់បង្ហោះលើកនេះបានកើតឡើងនៅថ្ងៃទី៣០ ខែឧសភា នៅពេលដែលទីក្រុងសេអ៊ូល បានចោទប្រកាន់ទីក្រុងព្យុងយ៉ាង ថា បានបាញ់មីស៊ីលផ្លោងរយៈចម្ងាយខ្លីប្រហែល ១០គ្រាប់។ មួយថ្ងៃក្រោយមក ប្រព័ន្ធផ្សព្វផ្សាយរដ្ឋរបស់កូរ៉េខាងជើង បានចេញផ្សាយរូបភាពមេដឹកនាំ គីម ជុងអ៊ុន ត្រួតពិនិត្យការសាកល្បងប្រព័ន្ធបាញ់គ្រាប់រ៉ុក្កែតច្រើន។
យ៉ាងណាម៉ិញ ក្រុមអ្នកវិភាគបានលើកឡើងថា កូរ៉េខាងជើង អាចធ្វើការសាកល្បង និងបង្កើនការផលិតកាំភ្លើងធំ មុនពេលបញ្ជូនទៅឱ្យរុស្ស៊ី ដើម្បីប្រើប្រាស់ក្នុងសង្រ្គាម នៅអ៊ុយក្រែន៕
![](https://cdn.troryorng.com/wp-content/uploads/2024/04/27142737/Troryorng-Telegram-1-1024x126-1-1-1-1.jpg)