ស្ទើរតែពាក់កណ្តាលនៃចំនួនប្រជាជនដែលរស់នៅក្នុងខេត្ត Xishuangbanna គឺជាជនជាតិ Dai ដែលបុព្វបុរសរបស់ពួកគេបានស្ទាត់ជំនាញបច្ចេកវិទ្យាតម្បាញវាយនភ័ណ្ឌ និងធ្វើឱ្យខ្លួនឯងប្រសើរឡើងតាមរយៈការទទួលមរតក និងការអភិវឌ្ឍន៍ជាបន្តបន្ទាប់ នៃតម្បាញក្រណាត់ (Dai Brocade)។ Dai brocade គឺជាបេតិកភណ្ឌវប្បធម៌អរូបីជាតិដែលបានប្រកាសដោយក្រុមប្រឹក្សារដ្ឋក្នុងខែមិថុនា ឆ្នាំ 2008 ។
សូមចុចអាន៖ ហេតុផល៤ ដែលអ្នកគួរទៅទស្សនាជ្រលងដំរីព្រៃ នៅXishuangbanna ខេត្តយូណាន ប្រទេសចិន
ជនជាតិ Dai មានភាពល្បីល្បាញដោយសារថា«បុរសពូកែខាងសំណង់ហើយស្ត្រីពូកែខាង កសិកម្ម និងតម្បាញ»
តាមឯកសារប្រវត្តិសាស្ត្រ៖ ក្នុងរាជវង្សថាង ដូនតាជនជាតិដាយអាចត្បាញ និងត្បាញកប្បាស នៅពេលដែលក្មេងស្រី Dai ឈានដល់អាយុ១១ឆ្នាំដល់១២ឆ្នាំ ពួកគេចាប់ផ្តើមរៀនត្បាញ និងប៉ាក់។
លំនាំត្បាញអាចត្រូវបានបែងចែកជាបីប្រភេទ៖ ទីមួយ រូបធរណីមាត្រ; គ្រួសារដាយមានប្រវត្តិតម្បាញតាំងពីយូរយារណាស់មកហើយ ពួកគេត្បាញសំពត់បំពង់ចម្រុះពណ៌ ដើម្បីរំលឹកដល់បុព្វការីជន ត្បាញលំនាំក្ងោក ដើម្បីជានិមិត្តរូបនៃសំណាងល្អ និងត្បាញលំនាំដំរី ដើម្បីជានិមិត្តរូបនៃការប្រមូលផលល្អ។
សូមជម្រាបជូនថា តម្បាញក្រណាត់ តម្បាញសំពត់ គឺនៅរក្សាបានគង់វង្សនៅតំបន់ Sanman ដែលមាន៣ភូមិ គឺភូមិ Mankongdai ភូមិ Mankongmai និងភូមិ Manluanzhan ដែលតំបន់នេះបង្កើតបានជាភូមិគំរូរក្សាបាននូវវប្បធម៌ប្រពៃណីជនជាតិដើមភាគតិច ភាគច្រើនសិប្បកម្មនានាដែលធ្វើដោយដៃ ដែលជាមរតកបន្សល់ទុកពីដូនតា ទើបតំបន់នេះក្លាយជាភូមិទេសចរណ៍ វប្បធម៌ដ៏ពេញនិយមសម្រាប់ភ្ញៀវជាតិនិងអន្ដរជាតិមកសិក្សាឈ្វេងយល់អំពីរបៀបរបបរស់នៅរបស់ជនជាតិដើមភាគតិចរស់នៅក្នុងក្រុង Jinghong តំបន់ស្វ័យ័ត Xishuangbanna ខេត្តយូណាន ប្រទេសចិន៕
