កម្ពុជា នឹង​ធ្វើ​ជា​ម្ចាស់​ផ្ទះ ក្នុង​ការ​ប្រកួត​វគ្គ​ជម្រុះ នៃពានរង្វាន់ជើងឯក​យុវជន​អាយុក្រោម ២៣ឆ្នាំ ប្រចាំទ្វីប​អាស៊ី 2026 AFC U-23 Asian Cup qualification ការ​ប្រកួត​ធ្វើ​ឡើង​ចាប់​ពី​ថ្ងៃទី១ ដល់ទី៩ ខែកញ្ញា ឆ្នាំ២០២៥។

រូបតំណាង

ក្នុង​នោះសហព័ន្ធកីឡាបាល់ទាត់អាស៊ី (AFC) បានបញ្ជាក់ជាផ្លូវការអំពីកាលវិភាគនៃការចាប់ឆ្នោតវគ្គជម្រុះដែល​នឹងធ្វើឡើងនៅថ្ងៃទី ២៩ ខែឧសភា ឆ្នាំ២០២៥ វេលាម៉ោង ២:០០នាទីរសៀល នៅទីស្នាក់ការកណ្តាល AFC ក្នុងទីក្រុង Kuala Lumpur ប្រទេស​ម៉ាឡេស៊ី។


ការប្រកួតវគ្គជម្រុះនេះ នឹងប្រមូលផ្តុំទៅដោយក្រុមជម្រើសជាតិអាយុក្រោម ២៣ឆ្នាំ ចំនួន ៤៤ក្រុម ដោយចែកចេញជា ១១ពូល។ ក្រុមដែល​មាន​ចំណាត់​ថ្នាក់ លេខ១ ក្នុងពូលនីមួយៗ និងក្រុមក្រុម​លេខ២ ល្អចំនួន៤ក្រុម នឹងឡើងទៅប្រកួតជុំផ្ដាច់ព្រ័ត្រ ធ្វើឡើងនៅប្រទេសអារ៉ាប៊ីសាអូឌីត នាឆ្នាំ២០២៦ខាងមុខ។

គួរបញ្ជាក់​ថា ការប្រកួត​ពានរង្វាន់ជើងឯក​យុវជន​អាយុក្រោម ២៣ឆ្នាំ ប្រចាំទ្វីប​អាស៊ី AFC U-23 Asian Cup បង្កើតឡើង​ដំបូង​នៅ​ឆ្នាំ២០១៣ ដោយ​ជប៉ុន ជាក្រុមឈ្នះជើងឯក​ច្រើន​ជាងគេ ចំនួន ២លើក (២០១៦,២០២៤) ខណ:​ អ៊ូសបេគីស្ថាន ១លើក ២០១៨ អារ៉ាប៊ីសាអូឌីត ១លើក ២០២២ កូរ៉េខាងត្បូង ១លើក ២០២០ និងអ៊ីរ៉ាក់ ១លើក ២០១៣៕

Share.