ក្រោយឈ្នះក្រុមកោះហ្គាម ក្រុមគោព្រៃកម្ពុជា អាយុក្រោម១៧ឆ្នាំ នឹងត្រូវបន្តជួបក្រុមជម្រើសជាតិកៀហ្ស៊ីស៊ីស្ថាន អាយុក្រោម ១៧ឆ្នាំ នៅថ្ងៃទី៣០ ខែវិច្ឆិកា ឆ្នាំ២០២៥ ដែលជាជំនួបចុងក្រោយ វគ្គជម្រុះពូល B នៃពានរង្វាន់ប្រចាំទ្វីប AFC U17 Asian Cup Saudi Arabia 2026 ។
ចំពោះ ៤ប្រកួតកន្លងទៅ ក្រុមគោព្រៃកម្ពុជា អាយុក្រោម១៧ឆ្នាំ គឺអាចរក៣ពិន្ទុ មុនត្រលបមកផ្ទះវិញ ដោយប្រកួតបើកឆាកទី១ចាញ់ក្រុមជម្រើសជាតិប៉ាគីស្ថាន ដោយលទ្ធផល ៣-១ កាលពីថ្ងៃទី២២ ខែវិច្ឆិកា និងប្រកួតទី២បន្តចាញ់ក្រុមជម្រើសជាតិឡាវ ដោយលទ្ធផល ៥-១ និងប្រកួតទី៣ ចាញ់ យេម៉ែន ៣-០ កាលពីថ្ងៃទី២៦ ខែវិច្ឆិកា ឆ្នាំ២០២៥ ខណៈប្រកួតទី៤ បានយកឈ្នះក្រុមកោះហ្គាម ដោយលទ្ធផល ៥-១ កាលពីថ្ងៃទី២៨ ខែវិច្ឆិកា កន្លងទៅ។
លទ្ធផល ៤ប្រកួតរបស់ក្រុមកម្ពុជា អាយុ១៧ឆ្នាំ
ពានរង្វាន់កម្រិតទ្វីប AFC U-17 Asian Cup qualification វគ្គជម្រុះក្នុងពូលគឺក្រុមកម្ពុជា ស្ថិតនៅពូល B ជាមួយក្រុមជម្រើសជាតិយេម៉ែន, ឡាវ, ម្ចាស់ផ្ទះកៀហ្ស៊ីស៊ីស្ថាន, ក្រុមកោះហ្គាម និង ប៉ាគីស្ថាន ខណៈការប្រកួតវគ្គជម្រុះនេះនឹងធ្វើឡើងនៅថ្ងៃទី២២ ដល់ថ្ងៃទី៣០ ខែវិច្ឆិកា ឆ្នាំ២០២៥ ។
ក្នុងចំណោមក្រុមនៅតាមបូលទាំង៧ ពី A ដល់ G នឹងត្រូវប្រកួតប្រជែងគ្នាដើម្បីយកតែ ១ក្រុមប៉ុណ្ណោះ ឡើងទៅកាន់ជុំចុងក្រោយមាន ១៦ក្រុម រួមមានម្ចាស់ផ្ទះអារ៉ាប៊ីសាអូឌីត ឥណ្ឌូណេស៊ី ជប៉ុន កូរ៉េខាងជើង កាតា កូរ៉េខាងត្បូង តាជីគីស្ថានអេមីរ៉ាតអារ៉ាប់រួម និងអ៊ូសបេគីស្ថាន កំពុងឈរចាំ។ ការប្រកួត នឹងចាប់ផ្ដើមពី៧ ដល់ថ្ងៃទី២៤ ខែឧសភា ឆ្នាំ២០២៦។
សម្រាប់ពានរង្វាន់យុវជនកម្រិតទ្វីប AFC U17 Asian Cup បង្កើតឡើងដំបូងនៅឆ្នាំ១៩៨៥ ពោលគឺមានអាយុកាលជាង ៣៩ឆ្នាំហើយ ខណៈក្រុមយុវជនជប៉ុន ឈ្នះជើងឯងច្រើនជាងគេសរុប៤លើក កូរ៉េខាងត្បូង, កូរ៉េខាងជើង, ចិន, អារ៉ាប់ប៊ីសាអូឌីត, អូម៉ង់, អ៊ូសបេគីស្ថានបានចំនួន២លើក រីឯក្រុមជម្រើសជាតិកាតា, អ៊ីរ៉ុង, ថៃ និងអ៊ីរ៉ាក់ ឈ្នះ១លើកដូចគ្នា៕
