កីឡាការិនី Chatchu-on Moksri ជាសមាជិកក្រុមបាល់ទះនារីជម្រើសជាតិថៃ ជាកីឡាការិនីទី២ ដែលចេញទៅប្រកបអាជីពនៅលីគបាល់ទះនារីប្រទេសទួរគី Turkish Women’s Volleyball League សម្រាប់រដូវកាលឆ្នាំ២០២១-២០២២ នេះជាមួយក្លិប Sarıyer Belediyespor។
កីឡាការិនីវ័យ២២ឆ្នាំរូបនេះធ្លាប់ប្រកបអាជីពនៅក្លិបបាល់ទះល្បីៗក្នុងស្រុក ព្រមទាំងធ្លាប់ចេញចូលរួមក្រុម PFU BlueCats នៅប្រទេសជប៉ុន ចន្លោះឆ្នាំ២០១៨-២០១៩ ផងដែរ។ កីឡាការិនីកម្ពស់ ១.៨០ម៉ែត្ររូបនេះធ្លាប់ឈ្នះមេដាយមាសកីឡាស៊ីហ្គេម៣សម័យកាលជាប់គ្នាគឺនៅឆ្នាំ២០១៥ នៅសឹង្ហបុរី ឆ្នាំ២០១៧ នៅម៉ាឡេស៊ី និង២០១៩ នៅហ្វីលីពីន។
អត្ថបទពាក់ព័ន្ធ៖រាជិនីបាល់ទះថៃ Ajcharaporn Kongyot ចុះកុងត្រាលេងឱ្យក្លិបនៅលីគទួរគី
នាងជាសមាជិកក្រុមជម្រើសជាតិនារីថៃ ទី២ដែលចេញទៅប្រកបអាជីពនៅលីគបាល់ទះទួរគី បន្ទាប់ពីកីឡាការិនី Ajcharaporn Kongyot ដែលចុះកុងត្រាជាមួយក្លិប Sarıyer Belediyespor ជាមួយគ្នាកាលពីខែឧសភា កន្លងទៅ៕
