បង្ក្រាបភោជនីយដ្ឋានផ្ទះអូន ឃាត់ខ្លួនថៅកែ និងបុគ្គលិកជាច្រើននាក់ ករណីលួចលាក់បង្កប់សេវាផ្លូវភេទ

ភ្នំពេញ៖ ហាងផឹកស៊ីយីហោផ្ទះអូនមួយកន្លែង ត្រូវកម្លាំងនាយកដ្ឋានប្រឆាំងការជួញដូរមនុស្សនិងការពារអនិកជនសហការជាមួយកម្លាំងខណ្ឌដង្កោរឆ្មក់ចូលបង្ក្រាប ដោយក្នុងនោះឃាត់ខ្លួនម្ចាស់ហាងនឹងនាំខ្លួននារីក្មេងៗជាអនីតិជនជាច្រើននាក់យកទៅសួរនាំ។

ប្រតិបត្តិការខាងលើនេះដែរ ធ្វេីឡេីងកាលពីវេលាម៉ោង៧:៣០នាទីយប់ ថ្ងៃទី២៩ ខែវិច្ឆិកា ឆ្នាំ២០២៥ ស្ថិតនៅលើផ្លូវបេតុងក្នុងសង្កាត់ព្រៃស ខណ្ឌដង្កោរ រាជធានីភ្នំពេញ។

តាមការបញ្ជាក់ពីកម្លាំងសមត្ថកិច្ចជំនាញបានឲ្យដឹងថាដោយមានការផ្តលព័ត៌មានពីប្រជាពលរដ្ឋនៅទីតាំងភោជនីយដ្ឋានយៅហោផ្ទះអូនខាងលើនេះបានលួចលាក់បម្រើនៅសេវាកម្មផ្លូវភេទខុសច្បាប់ក្នុងនោះដែរមាននារីក្មេងៗជាអនិតិជនបម្រើការ ហើយក៏មានមេការជានាក់ទាក់ទងភ្ញៀវដើម្បីរកសេវាផ្លូវភេទនាំចេញយកទៅដេកនៅខាងក្រៅម្តងម្កាលក្រោយពីទទួលដំណឹងសមត្ថកិច្ចក៏បានចុះទៅធ្វើការស្រាវជ្រាវហើយឈានទៅដល់បង្ក្រាបជាក់ស្តែងតែម្ដង។

ក្រោយប្រតិបត្តិការបានបញ្ចប់ កម្លាំងជំនាញបានឃាត់ខ្លួនម្ចាស់ហាង និងនាំខ្លួននារីបម្រើការជាអនីតិជនជាច្រើននាក់ ទៅសាកសួរបន្តតាមនីតិវិធីច្បាប់ ចំណែកអ្នកមិនពាក់ព័ន្ធ សមត្ថកិច្ចអោយត្រឡប់មកផ្ទះវិញ។

អត្ថបទ÷សែង សាវី