សារព័ត៌មាន Khaosod បានចេញផ្សាយនាថ្ងៃអាទិត្យ ទី១១ ខែមករា ឆ្នាំ២០២៦ នេះថា មានករណីបំផ្ទុះគ្រាប់បែក និងដុតបំផ្លាញស្ថានីយ៍ប្រេងឥន្ទនៈចំនួន ១១ទីតាំង នៅខេត្តចំនួន៣នៃភាគខាងត្បូងប្រទេសថៃ គឺ Yala, Pattani និង Narathiwat។
អាជ្ញាធរក្នុងតំបន់បានឱ្យដឹងថា ហេតុការណ៍នេះបង្កឡើងដោយក្រុមមិនស្គាល់អត្តសញ្ញាណមួយក្រុម ពេលនេះ កំពុងបើកការស៉ើបអង្កេតជាប្រញាប់ ហើយបានហ៊ុមព័ទ្ធតំបន់ដែលបានរងការប៉ះពាល់។
ទន្ទឹមនោះ អង្គភាពប្រតិបត្តិការពិសេសរបស់ប៉ូលិសប្រចាំខេត្ត Yala បានឱ្យដឹងថា ក្រុមជនដែលបានធ្វើសកម្មភាពខាងលើ មិនទាន់ច្បាស់ថាជាក្រុមមួយណា និងមានគ្នីគ្នាប៉ុន្មាននាក់នៅឡើយទេ។
យ៉ាងណាម៉ិញ អាជ្ញាធរខេត្តណារ៉ាធីវ៉ាត ភាគខាងត្បូងប្រទេសថៃ បានដាក់ចេញបម្រាមគោចរចាប់ពីម៉ោង៩យប់ដល់ម៉ោង៥ទៀបភ្លឺ ចាប់ពីរាត្រីថ្ងៃទី១១ ខែមករា នេះ នៅគ្រប់ស្រុកទាំងអស់ចាប់ពីយប់នេះរហូតដល់មានការជូនដំណឹងថ្មី បន្ទាប់ពីការវាយប្រហារដោយគ្រាប់បែកដ៏កក្រើកនៅយប់ថ្ងៃទី១០ ខែមករា ដែលបណ្តាលឱ្យមនុស្សមួយចំនួនរងរបួស និងស្ថានីយ៍ប្រេងឥន្ទនៈ PTT ១១កន្លែងឆេះនៅខេត្ត៣ផ្សេងគ្នា៕
