ថ្លែងមុនការប្រកួតមកដល់ លោក Koji Gyotoku គ្រូបង្វឹករបស់ក្រុមជម្រើសជាតិកម្ពុជា បានលើកឡើងក្នុងសន្និសិទសារព័ត៌មានមុនការប្រកួតមកដល់ បែបនេះថា «២ប្រកួតកន្លងទៅ យើងធ្វើមិនបានល្អឡើយ ដូចនេះសម្រាប់ជំនួបទល់នឹងក្រុមជម្រើសជាតិទីម័រខាងកើត រូបលោកនឹងប្តេជ្ញាចិត្តជួយកូនក្រុមធ្វើឱ្យបានល្អ ដើម្បីឱ្យទទួលបានលទ្ធផលល្អ»។
អត្ថបទពាក់ព័ន្ធ៖ ASEAN Championship ៖ តើកម្ពុជា ឬ ទីម័រខាងកើត នឹងរកបានជ័យជម្នះ ល្ងាចនេះ? – សារព័ត៌មានត្រយង – Troryorng Media
ចំណែកអ្នកចំទីរបស់ក្រុមជម្រើសជាតិកម្ពុជា កីឡាករ ហ៊ុល គឹមហុយ និងជាប្រធានក្រុមបានថ្លែងថា «ពិតណាស់ ២ប្រកួតកន្លងទៅយើងធ្វើមិនបានល្អទេ ហើយរូបខ្ញុំក៏របូតគ្រាប់បាល់ច្រើនថែមទៀត ហើយនេះជាទំនោលខុសត្រូវរបស់ខ្ញុំ ខ្ញុំមិនគេច ឬយកឡេះដោះសារបែបណានោះឡើយ។
លទ្ធផល២ប្រកួតចុងក្រោយរបស់ក្រុមកម្ពុជា ៖
- កម្ពុជា ១-២ សិង្ហបុរី ថ្ងៃទី២៤ ខែកក្កដា
- ឥណ្ឌូណេស៊ី ៥-១ កម្ពុជា ថ្ងៃទី២៧ ខែកក្កដា
កម្មវិធីប្រកួតបន្តរបស់កម្ពុជា ពានរង្វាន់ 2026 ASEAN Championship ៖
- ថ្ងៃទី៣ ខែសីហា កម្ពុជា ប៉ះ ទីម័រខាងកើត
- ថ្ងៃទី៧ ខែសីហា វៀតណាម ប៉ះ កម្ពុជា
ព្រឹត្តិកាណ៍ប្រកួតបាល់ទាត់បុរសជើងឯកអាស៊ាន ដែលប្ដូរឈ្មោះថ្មីតាមម្ចាស់ឧបត្ថម្ភ ASEAN Hyundai Cup ឆ្នាំ២០២៦ ចាប់ផ្ដើមពីថ្ងៃទី២៤ ខែកក្កដា រហូតដល់ថ្ងៃទី២៦ ខែសីហា ឆ្នាំ២០២៦ ពោលគឺចំពេលដែលលីគនៃប្រទេសក្នុងតំបន់អាស៊ានទាំង១១ សម្រាក។
គួររំលឹកថា ពាននេះជាទូទៅច្រើនធ្វើឡើងនៅចុងឆ្នាំ អំឡុងខែវិច្ឆិកា ដល់ខែធ្នូ ខណៈពីពេលនេះទៅ លេងពាក់កណ្ដាលឆ្នាំដ់ម្បីឱ្យស្របទៅនឹងប្រតិទិន FIFA Day ផងដែរ។
- វគ្គជម្រុះ៖ ថ្ងៃទី២៤ ខែកក្កដា ដល់ថ្ងៃទី៨ ខែសីហា ឆ្នាំ២០២៦
- Knockout Stage (វគ្គពាក់កណ្តាលផ្តាច់ព្រ័ត្រ និងក្រៅដី និងផ្តាច់ព្រ័ត្រ)៖ ថ្ងៃទី១៥ ដល់ ២៦ ខែសីហា ឆ្នាំ២០២៦
គួរបញ្ជាក់ថា ការប្រកួតកីឡាបាល់ទាត់ពានរង្វាន់ជើងឯកប្រចាំតំបន់ ASEAN Championship បង្កើតឡើងដំបូងនៅឆ្នាំ១៩៩៦ ធ្វើឡើងរៀងរាល់២ឆ្នាំម្ដង ថៃ គ្រងជើងឯកបានច្រើនជាងគេ ចំនួន ៧លើក (១៩៩៦, ២០០០, ២០០២, ២០១៤, ២០១៦, ២០២០, ២០២២) សិង្ហបុរី ចំនួន ៤លើក (១៩៩៨, ២០០៤, ២០០៧, ២០១២) និងវៀតណាម ចំនួន ៣លើក ២០០៨, ២០១៨, ២០២៤៕
