Detective ដែលអ្នកស្នេហាវិស័យកីឡាអេឡិចត្រូនិកកម្ពុជា ស្គាល់ឈ្មោះពិតថា ញ៉ែម ច័ន្ទដាវ៉ាន់ បច្ចុប្បន្នបានផ្លាស់ទៅចូលរួមជាមួយក្រុម Vigor Apex និងលេង Role ជាដៃ Jungler បានលើកឡើងថា ខ្លួនបានដាក់គោលដៅយកពាន MPL KH រដូវកាលនេះអោយបាន ដើម្បីជាកាដូសម្រាប់មិត្តរួមក្រុម។
ច័ន្ទដាវ៉ាន់ បានលើកឡើងថា «គោលដៅរបស់ក្រុមគឺ Champion បង អត់មានអីក្រៅពីហ្នឹង។ ខ្ញុំគិតថា ១០០% បង ដោយសារខ្ញុំជឿលើគ្នាខ្ញុំ។ ហើយបើពួកខ្ញុំអាចបញ្ចេញអ្វីដែលពួកខ្ញុំមានវាហ្នឹងភាគរយច្រើន។ ខ្ញុំនឹងខំប្រឹងអស់ពីសមត្ថភាពដើម្បីជួយ Shadoww និង Vincen ចង់ជួយអោយពួកគាត់បានពានម្ដង។
ខ្ញុំគិតថាពួកគាត់ទាំងពីរអត់ដែលឈ្នះពានមែន គាត់មានការតាំងចិត្តខ្ពស់ ហើយនិងទឹកដៃគាត់ ក៏អែមដែរ។ ការរំពឹងខ្ញុំអាចដូចថា ឧទាហរណ៍ថា បើថ្ងៃហ្នឹងខ្ញុំអារម្មណ៍អត់ល្អ ខ្ញុំគិតថាខ្ញុំអាចពឹងលើពួកគាត់អាចជួយខ្ញុំបានហើយ៕
