ឆ្លងកាត់​ការប្រកួត​ដ៏ជក់​ចិត្តពេញ​ ៩០នាទីលើទីលានវាល​ស្មៅ​ ក្នុង​កីឡដ្ឋានភ្នំពេញក្រោន ​រវាងក្រុម​បាត់​ដំបង​យូណៃធីត ប្រកួត​ជាមួយ​សមាគម​នកីឡាបាល់ទាត់​ ខេត្តត្បូងឃ្មុំ បាន​បញ្ចប់​ទៅ​ដោយ​លទ្ធផល ០ទល់និង​០ ឆាន​ដល់​ការទាត់​បាល់​កាត់​សេចក្ដី​១១ម៉ែត្រ ត្បូងឃ្មុំ បាន​យក​ឈ្នះ ៥-៤ ក្លាយ​ជាម្ចាស់​ជើង​ឯ ពានរង្វាន់ សម្តេចអគ្គមហាសេនាបតីតេជោ ហ៊ុន សែន (Hun Sen Cup) លើកទី២០ ឆ្នាំ២០២៦/២៧ (ថ្នាក់ខេត្ត) ​ថ្ងៃទី១៥ ខែវិច្ឆិកា ឆ្នាំ២០២៦។

រំលឹក​ថា នេះ​ក៏​ជាជ័យ​ជម្នះ​ជាលើកទី៣ ផង​ដែល​របស់ ​សមាគម​នកីឡាបាល់ទាត់​ ខេត្តត្បូងឃ្មុំ ដែល​បាន​ក្លាយ​ជា​ម្ចាស់​ជើង​ឯក​នៃពាន​រង្វាន់ សម្តេចអគ្គមហាសេនាបតីតេជោ ហ៊ុន សែន (Hun Sen Cup) ជើង​ឯកថ្នាក់ខេត្ត ដោយ​លើកទី១ កាល​ពី​ឆ្នាំ២០១៩ លើកទី២ ឆ្នាំ២០២៤-២៥ និង​លើទី៣ ឆ្នាំ២០២៦។

ដោយលែក​សម្រាប់​ក្រុម​ដណ្ដើម​ចំណាត់​ថ្នាក់​លេខ៣ បាន​ទៅលើក្រុមបាល់ទាត់ ខេត្តកោះកុង យក​ឈ្នះសមាគមបាល់ទាត់ ខេត្តព្រះសីហនុ ក្នុង​លទ្ធផល ៦-១ ទទួល​បាន​ចំណាត់​ថ្នាក់​លេខ៣ កាល​ពី​ថ្ងៃទី១៤ ខែវិច្ឆិកា ឆ្នាំ២០២៦

អំពីការប្រកួតពានរង្វាន់ សម្តេចអគ្គមហាសេនាបតីតេជោ ហ៊ុន សែន លើកទី២០ ឆ្នាំ២០២៦/២៧ (ថ្នាក់ខេត្ត)

ពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី២០ ឆ្នាំ២០២៦/២៧ (ថ្នាក់ខេត្ត) មាន ១៩​ក្រុម​ តំណា​ង​រាជធានី-ខេត្តទាំង១៩ ចែក​ចេញ​ជា ៥ពូល ពូល ក មាន ៣ក្រុម ខណ:​ពូល ខ ដល់​ពូល ង មាន ៤ក្រុម។

ការ​ប្រកួត ​ចាប់​ផ្ដើមប្រជែង​ចាប់​ពី​ថ្ងៃទី២១ ខែកក្កដា ឆ្នាំ២០២៦ និង​បញ្ចប់​វគ្គ​ជម្រុះ​ក្នុង​ពូល​នៅ​ថ្ងៃទី១ ខែតុលា ឆ្នាំ២០២៦ ដើម្បីស្វែង​រក​ក្រុម​កំពូល​តារាង និង​ក្រុម​លេខ២ល្អ ចំនួន ៣ក្រុម​ឡើង​ទៅកាន់​វគ្គ ៨ក្រុម​​ និង​វគ្គពាក់កណ្ដាលផ្ដាច់​ព្រ័ត្រ លេងចំនួន ២ជើង ស្រប​ពេល​វគ្គ​ផ្ដាច់ព្រ័ត្រ នឹង​រក​ឃើញ​នៅ​ថ្ងៃទី១ ខែវិច្ឆិកា ឆ្នាំ២០២៦។

រំលឹកថា ពានរង្វាន់សម្តេចតេជោ ហ៊ុន សែន (Hun Sen Cup) ជើងឯកថ្នាក់ខេត្ត លើកទី១៩ ឆ្នាំ២០២៥-២៦ ​បាន​ទៅ​លើ​ក្រុម​មន្ទីរ អយក ខេត្តកំពង់​ចាម ក្រោយ​​យក​ឈ្នះក្លិបបាល់ទាត់ឡាយ​អ៊ិនឃីង ខេត្តសៀម​រាប ២-១ នៅ​វគ្គផ្ដាច់ព្រ័ត្រ ក្នុង​ពហុកីឡដ្ឋានជាតិ អូលាំពិក នារាត្រី​ថ្ងៃទី២១ ធ្នូ ២០២៥។

ប្រវត្តិក្រុមដែល​​ធ្លាប់​ឈ្នះ​ជើង​ឯក​ថ្នាក់​ខេត្ត​ រួម​មាន៖

  • ២០១៨៖ សាលាបាល់ទាត់ជាតិបាទី
  • ២០១៩៖ ត្បូងឃ្មុំ
  • ២០២០៖ ព្រៃវែង
  • ២០២១៖ កោះកុង
  • ២០២២៖ ភ្នំពេញហ្គាឡាក់ស៊ី
  • ២០២៣-២៤៖ កំពង់ចាម
  • ២០២៤-២៥៖ ត្បូងឃ្មុំ
  • ២០២៥-២៦៖ កំពង់ចាម
  • ២០២៦-២៧៖ ត្បូងឃ្មុំ៕
Share.