ក្លិបបាល់ទាត់បិសាចក្រហម Manchester United បានប្រកាសពីកិច្ចព្រមព្រៀងបញ្ចប់កិច្ចសន្យាជាមួយខ្សែប្រយុទ្ធ Cristiano Ronaldo បន្ទាប់ពីកីឡាករវ័យ៣៧ឆ្នាំរូបនេះបានចេញទម្លាញអារម្មណ៍ឈឺចាប់នៅក្នុងបទសម្ភាសន៍បើកចំហរជាមួយលោក Piers Morgan ដែលជាពិធីករទូរទស្សន៍ដ៏ល្បីល្បាញនៅចក្រភពអង់គ្លេសសម្រាប់កម្មវិធី TalkTV កាលពីយប់ថ្ងៃទី១៣ ខែវិច្ឆិកា។
ភា្លមៗនោះខ្សែប្រយុទ្ធ Cristiano Ronaldo ក៏បានបញ្ចេញនាឡិកាថ្មីរបស់ Jacob & Co ត្រូវបានឌីហ្សាញឡើងដោយដាក់រូបកាលគេជាកីឡាករ Real Madrid លោតតែតបាល់បញ្ចូលទីក្នុងជំនួបឈ្នះ Manchester United លទ្ធផល ៣-២ នៃពានរង្វាន់ Champion League វគ្គ១៦ក្រុមចុងក្រោយរដូវកាល ២០១២-១៣។
បច្ចុប្បន្ន Ronaldo កំពុងហ្វឹកហាត់យ៉ាងសកម្មជាមួយក្រុមជម្រើសជាតិព័រទុយហ្គាល់ ត្រៀមក្នុងព្រឹត្តិការណ៍បាល់ទាត់ពិភពលោក FIFA World Cup 2022 នៅប្រទេសកាតា ដោយត្រូវប្រកួតបើកឆាកពូល H ទល់នឹង ហ្គាណា នៅថ្ងៃទី២៤ ខែវិច្ឆិកា នៅកីឡដ្ឋាន Stadium 974 វេលាម៉ោង ១១:០០នាទីយប់៕
តម្លៃនាឡិកាថ្មីរបស់ Ronaldo គិតជាលុយខ្មែរ៖
រូប Ronaldo លោតតែតទល់នឹង Man United៖