សិល្បៈជាតិ ៖ ការប្រគំតន្ត្រីសប្បុរសធម៌ Eden Garden & Musica Felice ដើម្បីប្រមូលមូលនិធិទ្រទ្រង់ការសិក្សារបស់កុមារក្រីក្រនៅបឹងទំពន់ គ្រោងនឹងធ្វើនៅថ្ងៃទី ២៦ ខែវិច្ឆិកា ឆ្នាំ ២០២២នេះ នៅ Eden Garden បឹងកក់។
ក្នុងនាមជាសហគ្រាសដែលមានទំនួលខុសត្រូវមួយ Eden Garden Mall បានប្តេជ្ញាចិត្តក្នុងការរួបរួមជួយទៅដល់សង្គមគ្រប់ពេលវេលា តាមរយៈសកម្មភាពផ្សេងៗជាច្រើន ដោយសារតែ Eden Garden Mall ជឿជាក់យ៉ាងមុតមាំក្នុងការចែករំលែកក្តីស្រឡាញ់ និង ជួយគ្នាទៅវិញទៅមកនៅក្នុងគ្រាលំបាក។
នៅពេលដែលយើងបានលឺដំណឹងពី សាលារៀន Mercy Village ដែលកំពុងជួបបញ្ហាលំបាក ក្រុមការងាររបស់យើងបានចុះទៅមើលទីតាំងដោយផ្ទល់ និង បានស្វែងយល់ពីស្ថានភាពខ្វះខាតរបស់អ្នកភូមិ និង ក្មេងៗដែលរស់នៅទីនោះ យើងក៏បានសម្រេចចិត្តរកវិធីសាស្រ្តប្រមូលថវិកា ជួយទៅដល់ប្រជាជនដែលរស់នៅទីនោះ។
ក្រុមការងាររបស់យើងបានជួបពិគ្រោះយោបល់ជាមួយនឹងអ្នកស្រី Miwako Fujiwara ដែលជាអ្នកដឹកនាំក្រុមតន្រ្តី Musica Felice ដែលជាក្រុមតន្រ្តីបែប classical ហើយដោយសារតែ អ្នកស្រីតែងតែរៀបចំកម្មពិធីសប្បុរសធម៌ផ្សេងៗដើម្បីរៃអង្គាសថវិកា សម្រាប់ប្រជាជននៅកម្ពុជា យើងក៏បានសម្រេចចិត្តរួមគ្នាមួយ ដោយរៀបចំកម្មវិធីប្រគំតន្ត្រីសប្បុរសធម៌មួយ ដើម្បីរៃអង្គាសថវិកាជួយទៅដល់ក្មេងៗ នៅសាលា Mercy Village ។
នៅក្នុងកិច្ចខិតខំប្រឹងប្រែងនេះផងដែរ យើងបានទទួលការគាំទ្រយ៉ាងខ្លាំងពីអ្នកឧបត្ថម្ភ ដែលតែងតែធ្វើការលើកស្ទួយនូវជីវភាពប្រជាជនក្រីក្រ ដោយមានការចូលរួមពីអ្នកឧបត្ថម្ភ ល្បីៗជាច្រើន ហើយយើងសង្ឃឹមថាការប្រគុំតន្ត្រីសប្បុរសធម៌មួយនេះនឹងទទួលបានភាពជោគជ័យខ្ពស់។
ក្រោមការដឹកនាំរបស់ក្រមហ៊ុន Luxelite Group យើងបានរៀបចំកម្មវិធីសប្បុរសធម៌នេះឡើងនៅ Eden Garden Mall ក្នុងគោលបំណងរៃអង្គាសថវិការ ជួយទ្រទ្រង់ដល់ សាលា Mercy Village ។
ចូលរួមជាមួយយើងទាំងអស់គ្នាក្នុងកម្មវិធីតន្រ្តីសប្បុរសធម៌ ដើម្បីជួយទៅដល់ក្មេងៗ នៅសាលា Mercy Village អោយទទួលបានការអប់រំ និងអនាគតភ្លឺស្វាង។
