សិល្បៈជាតិ៖ នាថ្ងៃទី២៦ ខែមេសា នេះ មានការចាប់អារម្មណ៍ជាខ្លាំង នៅពេលដែលតារាចម្រៀង ករុណា ពេជ្រ បានបញ្ចេញរូបថតអនុស្សាវរីយ៍រវាងខ្លួននិងលោក សុង សុវណ្ណារ៉ា ដែលត្រូវជាស្វាមីរបស់ ផន សុផារី ព្រមទាំងទម្លាយពីទំនាក់ទំនងមិនធម្មតារវាងលោក និងស្វាមីរបស់អ្នកនាងផងដែរ។
បើតាមអ្វីដែលលោក ករុណា ពេជ្រ បានលើកឡើងនៅលើបណ្ដាញសង្គម លោកបានឱ្យដឹងថា «អស់រយៈកាលជាង 14 ឆ្នាំមុន ពី ហ្វេន Karona FC គាំទ្រ ករុណាពេជ្រ ដើរស្រែកហ៊ោរតាមឆាកតន្រ្តីដ៏សែនកំសត់ម្នាក់ បានប្រែក្លាយទៅជា ប្អូនក្រៅខោស្របច្បាប់ នាពេលនេះ… បងពិត ជារីករាយ និង រំភើបជំនួស សម្រាប់ការជោគជ័យមួយកម្រិតក្នុងក្រុមគ្រួសារដ៏តូចពោរពេញដោយសុភមង្គលរបស់ប្អូននាពេលនេះ…ពេលវេលាពិតជាលឿន … មនុស្សល្អ និង ស្មោះត្រង់ អោយតម្លៃយើង មិនមានច្រើនទេ នៅជុំវិញខ្លួនយើង ដូច្នេះ បើបានជួប បានស្គាល់ ហើយធ្លាប់កាន់ដៃឆ្លងកាត់ចំនុចដំបូងជាមួយគ្នាហើយ គួររក្សាគ្នាទៅ …»
ពាក្យថាមិត្តភាព គឺជាពិតជាស្រស់ស្អាតណាស់ ហើយការរាប់អានគ្នាក៏ជារឿងមួយដ៏គួរឱ្យរីករាយផងដែរ ត្បិតមិនមែនជាសាច់ឈាមបង្កើត តែការស្រលាញ់រាប់អានគ្នា គឺមិនសំដៅទាល់តែជាសាច់ញាតិនោះឡើយ ដូចករណីបុគ្គលល្បី ២រូបនេះ (លោក ករុណា ពេជ្រ និង លោក សុង សុវណ្ណរ៉ា) ដែលនៅតែបន្តស្រលាញ់រាប់អានគ្នាតាំងពីក្មេងរហូតដល់មានក្រុមគ្រួសារ និងមានវ័យជ្រេរាងខ្លួនក្ដី៕