បើតាមការបញ្ជាក់នៅលើហ្វេសប៊ុកផ្លូវការរបស់ក្លិបបាល់ទាត់វិសាខា នៅរសៀលថ្ងៃច័ន្ទ នេះលោកជំទាវ កែ សួនសុភី ប្រធានក្លិបបានចាត់តំណាងនាំយកនាំយកគ្រឿងឧបភោគបរិភោគ និងសម្ភារៈមួយចំនួន ឧបត្ថម្ភដល់កីឡាករទាំង៦រូប និងគ្រូពេទ្យ ២រូប ដែលទើបបញ្ចប់បេសកកម្មជាមួយក្រុមជម្រើសជាតិកម្ពុជា នៅប្រទេសបារ៉ែន។
បច្ចុប្បន្នក្រុមជម្រើសជាតិកម្ពុជា កំពុងតែធ្វើចត្ដាឡីស័ករយៈពេល១៤ថ្ងៃ នៅមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំរីករាយ ខេត្តកំពង់ឆ្នាំង។ អំណោយទាំងនោះមានក្នុងម្នាក់ៗទទួលបាន មីកំប៉ុង ៤យួរ, ត្រីខ ៣យួរ, ត្រីងៀត ២គីឡូក្រាម, សាច់ក្រក ២គីឡូក្រាម, ទឹកសុទ្ធ ២កេះ, ទឹកសណ្ដែកកំប៉ុង ២កេះ, នំប្រៃត្រីធូណា ១៤ប្រអប់, វីតាមីន-C ២ប្រអប់, ឆៃប៉ូវ ២គីឡូក្រាម, អង្ករ ២០គីឡូក្រាម, ទឹកសម្រាប់មេរោគ, ថ្នាំមូស ២កំប៉ុង, កាហ្វេកញ្ចប់, កាកាវកញ្ចប់, និងបំពង់ទឹកក្ដៅ ២។
អត្ថបទពាក់ព័ន្ធ៖ក្រុមជម្រើសជាតិកម្ពុជា មកដល់មាតុភូមិវិញ តែត្រូវធ្វើចត្តាឡីស័កនៅខេត្តកំពង់ឆ្នាំង
សូមបញ្ជាក់ថាក្រុមកីឡាកររបស់វិសាខា ក្រោមចប់ធ្វើចត្តាឡីស័ក្ខរយៈពេល១៤ថ្ងៃរួចត្រូវចូលរួមក្នុងក្រុមត្រៀមខ្លួនប្រកួតក្នុងពានរង្វាន់ Metfone Cambodian League, ការពារតំណែងជើងឯកពានរង្វាន់សម្តេចតេជោ ហ៊ុន សែន និងចេញទៅប្រកួតជម្រុះពានរង្វាន់ AFC Cup 2021 ផងដែរ៕