ក្រុមជម្រើសជាតិវៀតណាម បានយកឈ្នះលើក្រុមជើងខ្លាំងមកពីប្រទេសអាល្លឺម៉ង់ Borussia Dortmund ក្នុងការប្រកួតមិត្តភាពអន្តរជាតិដោយលទ្ធផល ២ទល់និង១ នៅរាត្រីថ្ងៃទី៣០ ខែវិច្ឆកា លើទីលានកីឡដ្ឋាន My Dinh National Stadium មុនព្រឹត្តិការណ៏បាល់ទាត់អាស៊ាន AFF Mitsubishi Electric Cup 2022 ឈានមកដល់។
VIETNAM 🇻🇳 2 – 1 BORUSSIA DORTMUND
— Việt Nam Football 🇻🇳⚽️ (@FootyVietnam) November 30, 2022
2 goals from Nguyễn Tiến Linh and Phạm Tuấn Hải (pen.) were enough to get a comeback win again BVB after a lead goal from Donyell Malen! pic.twitter.com/CniQBDhqEl
ការប្រកួតក្នុងរដ្ឋធានីហាណូយ នេះក្រុមជើងខ្លាំងមកពីប្រទេសអាល្លឺម៉ង់ Borussia Dortmund បានរកគ្រាប់បាល់នាំមុខមុនដោយកីឡាករ Donyell Malen នៅនាទីទី១៣ ទើបវៀតណាមតាមបានស្មើវិញនៅនាទីទី ៣៦ ដោយកីឡាករ Nguyen Tien Linh និងគ្រាប់ទី២ដែលជាគ្រាប់បាល់ជ័យជម្នះរបស់វៀតណាម រកបានដោយកីឡាករ Tuan Hai Pham នៅនាទីទី ៩០ តាមរយ:បាល់ពិន័យ ១១ម៉ែត្រ។
គួរចាប់អារម្មណ៍ក្នុងការទទួលបានជ័យជម្នះរបស់ក្រុមជម្រើសជាតិវៀតណាមនេះ គឺគ្មានវត្តមានខ្សែបម្រើប្រយុទ្ធឆ្នើម Nguyen Quang Hai រហ្សសនាម Messi រៀតណាមឡើយ បន្ទាប់ពីក្លិបបាល់ទាត់ Pau FC នៃលីគលំដាប់ទី២ ប្រទេសបារាំង បានបដិសេធនូវសំណើរនៃកោះហៅរបស់សហព័ន្ធបាល់ទាត់វៀតណាម (VFF) ដោយហេតុថា ព្រឹត្តិការណ៍ខាងលើមិនស្ថិតក្នុងថ្ងៃ FIFA DAY ឡើយ។
ក្រោមការដឹកនាំរបស់គ្រូបង្វឹកសញ្ជាតិកូរ៉េខាងត្បូងលោក Park Hang Seo បាននាំមកនូវភាពជោគជ័យយ៉ាងច្រើនជូនដល់បាល់ទាត់វៀតណាមក្នុងប៉ុន្នានឆ្នាំចុងក្រោយនេះ។ លោក Park Hang Seo បច្ចុប្បន្នមានវ័យ៦៥ឆ្នាំ លោកបានមកដឹកនាំក្រុមជម្រើសជាតិវៀតណាមដំបូងនៅថ្ងៃទី២៩ ខែកញ្ញា ឆ្នាំ២០១៧ ជាមួយកិច្ចសន្យារយ:ពេល២ឆ្នាំ បន្ទាប់ពីដឹកនាំបានល្អសហព័ន្ធកីឡាបាល់ទាត់វៀតណាម ក៏បន្ថែមកិច្ចសន្យាថ្មីជូនគាត់៣ឆ្នាំជាបន្តទៀត។
Da war doch was… 📖🤔😃 https://t.co/2tEe2l5L6r pic.twitter.com/rPqCGisdu2
— Borussia Dortmund (@BVB) November 30, 2022
ក្លិបបាល់ទាត់ Borussia Dortmund សមាជិកលីគកំពូលរបស់ប្រទេសអាល្លឺម៉ង់ Bundesliga បានធ្វើដំណើរមកកាន់តំបន់អាស៊ាន និងបានប្រកួតមិត្តភាពនៅប្រទេសចំនួន៣ ដែលបានយកឈ្នះក្រុម Lion City Sailors របស់សិង្ហបុរី ដោយលទ្ធផល ២ទល់៧ បន្តយកឈ្នះក្លិប Johor Darul Ta’zim របស់ម៉ាឡេស៊ី ក្នុងលទ្ធផល ១ទល់៤ និងចាញ់វៀតណាម ក្នុងលទ្ធផល ២ទល់១។
សម្រាប់ក្រុមជម្រើសជាតិវៀតណាម កំពុង់តែត្រៀមខ្លួនដើម្បីចូលរួមការពារតំណែងជើងឯកពានរង្វាន់ AFF Mitsubishi Electric Cup ខណៈឆ្នាំ២០២២នេះ នឹងធ្វើឡើងពីថ្ងៃទី២០ ខែធ្នូ ឆ្នាំ២០២២ ដល់ថ្ងៃទី១៦ ខែមករា ឆ្នាំ២០២៣ ដោយពូល A មានថៃ, ឥណ្ឌូនេស៊ី, ហ្វីលីពីន, កម្ពុជានិង ប្រ៊ុយណេ ចំណែកពូល B មាន វៀតណាម, ម៉ាឡេស៊ី, សិង្ហបុរី, មីយ៉ាន់ម៉ា និង ឡាវ៕
អត្ថបទ៖ នី ម៉េងងី
