Burn X Team Flash ជាក្រុមដែលទទួលបានកៅអីចូលរួមប្រកួតជើងឯកពិភពលោក M4 World Championship នៅទីក្រុងហ្សាកាតា ប្រទេសឥណ្ឌូនេស៊ី នៅដើមខែមករា ឆ្នាំ២០២៣ ខាងមុខនេះ។
ក្រុម Burn X Team Flash បានក្លាយជាម្ចាស់ជើងឯកព្រឹត្តិការណ៍ប្រកួតលីគអាជីព MPL-KH League 2022 វគ្គ Autumn Split សម្រាប់វិញ្ញាសា Mobile Legends: Bang Bang នៅកម្ពុជាបន្ទាប់ពីឈ្នះក្រុម Logic Esports ក្នុងវគ្គផ្តាច់ព្រ័ត្រ។
ព្រឹត្តិការណ៍ការប្រកួត M4 World Championship នឹងត្រូវធ្វើការចាប់ពូលនៅថ្ងៃទី ៨ខែធ្នូ ម៉ោង ៣ល្ងាច (GMT+7)។ កាប្រកួតនឹងត្រូវធ្វើឡើងចាប់ពីថ្ងៃទី១ ខែមករា ដល់ថ្ងៃទី១៥ ខែមករា ឆ្នាំ២០២៣។ ដោយប្រកួតវគ្គជម្រុះក្នុងពូលនឹងត្រូវធ្វើឡើងនៅទីតាំង XO Hall (MPL Arena) និងវគ្គប្រកួតជម្រុះ-វគ្គផ្ដាច់ព្រ័ត្រនឹងត្រូវធ្វើឡើងនៅ Istora Senayan, Jakarta។
ចំពោះលក្ខណ្ឌក្នុងការបែងចែកពូល ក្រុមនិមួយៗនឹងត្រូវបែងចែកជាពីរ Pool ផ្សេងគ្នា ហើយត្រូវបែងចែកទៅតាមគោលការណ៍៖ គោលការណ៍ A ក្រុមដែលមកពីតំបនដូចគ្នាមិនអាចស្ថិនក្នុងក្រុមតែមួយទេ។ គោលការណ៍ B ក្រុមដែលស្ថិតនៅក្នុង Pool 1 មិនអាចស្ថិតនៅក្នុងក្រុមតែមួយទេ ចំណែកក្រុមមកពី MLSL នៅក្នុង Pool 2 ក៏មិនស្ថិតនៅក្នុងក្រុមតែមួយដែរ។ គោលការណ៍ C ការចាប់ឆ្នោតនឹងត្រូវធ្វើតាមលំដាបលំដោយ ABCD-DCBA-ABCD-DCBA។
ក្រុមដែលចូលរួមប្រកួតមាន ១៦ក្រុម មកពីចំនួន១២ប្រទេសនិងតំបន់ ចូលរួមមានដូចជា ONIC Esports, RRQ Hoshi, Blacklist International, ECHO, Team HAQ, TODAK, S11 Gaming Argentina, Malvinas Gaming, RSG Singapore, Burn x Team Flash, RRQ Akira, Occupy Thrones, Incendio Supremacy, The Valley, Falcon Esports និង MDH E-Sports។
គួរបញ្ជាក់ថាក្រុម Burn X Team Flash គឺជាក្រុមកីឡាអេឡិចត្រូនិកខ្លាំងមួយនៅកម្ពុជា ដែលដឹកនាំដោយគ្រូបង្វឹកសញ្ជាតិហ្វីលីពីន លោក John Dizon។ ក្រុមនេះបាននាំចូលកីឡាករ Jhonwin Vergara និង Michael Endino ដែលជាអតីតកីឡាកររបស់ក្រុម Nexplay EVOS៕
